ފަތުރުވެރިކަމާއި މަސްވެރިކަމުގައި ރާއްޖެ އާއި ބަންގްލަދޭޝް ގުޅިގެން މަސައްކަތްކުރަންޖެހޭ: ރާޝިދުއްޒަމާން
ލިޔުންތެރިޔާ
އަބްދުﷲ ހުސައިން
މަސްވެރިކަމާއި ފަތުރުވެރިކަމުގެ ދާއިރާއިން ދިވެހިރާއްޖެއާއެކު އޮންނަ ގުޅުން ބަދަހިކުރަންޖެހޭކަމަށް ބަންގްލަދޭޝްގެ ސިވިލް އޭވިއޭޝަން އެންޑް ޓޫރިޒަމް މިނިސްޓަރު އެމް. ރާޝިދުއްޒަމާން މިއްލަތު ވިދާޅުވެއްޖެއެވެ.
ރާއްޖޭގެ ހައިކޮމިޝަނުން އިންތިޒާމުކޮށްގެން ބޭއްވި "ދަ ގްރޭޓް ޓޫނާ ގާލާ، ފްލޭވާސް ފްރޮމް ދަ ސަނީ ސައިޑް" ގައި ޝަރަފުވެރި މެހެމާނެއްގެ ގޮތުގައި ވަޑައިގެން ވާހަކަދައްކަވަމުން މިނިސްޓަރު ރާޝިދުއްޒަމާން ވަނީ ރާއްޖެއާއެކު އޮންނަ އިގްތިސާދީ ގުޅުން ބަދަހިކުރުމުގެ މުހިންމުކަމުގެ މައްޗަށް އަލިއަޅުވާލައްވައި ވާހަކަދައްކަވާފައެވެ. މިނިސްޓަރު ވިދާޅުވީ، ދެމެހެއްޓެނިވި މަސްވެރިކަމާއި ފަތުރުވެރިކަން ކުރިއެރުވުމަށްޓަކައި ދެ ޤައުމު ގުޅިގެން މަސައްކަތް ކުރަންޖެހޭ ކަމަށެވެ.
މި ހަފްލާގައި ވާހަކަދައްކަވަމުން ބަންގްލަދޭޝްގައި ހުންނަވާ ރާއްޖޭގެ ސަފީރު ޝިއުނީން ރަޝީދު ވިދާޅުވީ ދިވެހިންނާއި ކަނޑާ އޮތީ ވަރަށް ބަދަހި ގުޅުމުގެ ކަމަށާއި، ރާއްޖޭގެ އިޤްތިޞާދާއި ސަގާފަތުގައި މަސްވެރިކަމަށް ވަރަށް މުހިންމު ޤަދަރެއް ދެވިފައިވާކަމަށެވެ. އެގޮތުން ރާއްޖޭގެ ދެމެހެއްޓެނިވި ދޮށީގެ މަސްވެރިކަމާއި، ތިމާވެއްޓާ ރައްޓެހި ގޮތްތައް ބޭނުންކުރުމުގެ މުހިންމުކަމުގެ މައްޗަށް މިނިސްޓަރުގެ ވާހަކަފުޅުގައި ވަނީ އަލިއަޅުއްވާލައްވަވާފައެވެ. މީގެ އިތުރުން ބަންގްލަދޭޝްގެ ބާޒާރުގައި ރާއްޖޭގެ ކަނޑުމަހުގެސަފީރު ވަނީ ފާހަގަކުރައްވާފައެވެ. މީގެ އިތުރުން ދެ ޤައުމުގެ ދެމެދުގައި ދަތުރުފަތުރުގެ ގުޅުންތައް އިތުރަށް ފުޅާވަމުންދާކަން ފާހަގަކުރައްވައި، މީގެ ސަބަބުން ފަތުރުވެރިކަމާއި، ވިޔަފާރިއާއި، އިޤްތިޞާދީ ދާއިރާތަކުން އިތުރު ކުރިއެރުންތަކެއް ލިބިގެންދާނެކަމަށްވެސް ސަފީރު ފާހަގަކުރެއްވިއެވެ.
"ދަ ގްރޭޓް ޓޫނާ ގާލާ، ފްލޭވާސް ފްރޮމް ދަ ސަނީ ސައިޑް" ނައިޓަކީ ރާއްޖޭގެ ދެމެހެއްޓެނިވި ކަނޑުމަހުގެ މަސްވެރިކަމާއި، ކާތަކެތީގެ ސަގާފަތާއި، ފަތުރުވެރިކަމުގެ ފުރުޞަތުތައް ދައްކާލުމުގެ ގޮތުން ބަންގްލަދޭޝްގައި ބޭއްވި އިވެންޓެކެވެ. ބަންގްލަދެޝްއަކީ އެ ޤައުމަކަށް ނިސްބަތްވާ އެންމެގިނަ މަސައްކަތްތެރިން ރާއްޖޭގައި އުޅެމުންދާ ޤައުމެވެ. ރާއްޖޭގައި ދިރިއުޅެމުންދާ ބިދޭސީންގެ އާބާދީގެ އަންދާޒާކުރެވޭ އަދަދު 215،911 ގައި އުޅޭއިރު، މީގެ ތެރެއިން ލައްކައަކަށްވުރެ ގިނަ މީހުންނަކީ ބަންގްލަދޭޝްއަށް ނިސްބަތްވާ މީހުންނެވެ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
