ފިހާރައަކުން އެެއްޗެހި ގަންނަނީ
ފިހާރައަކުން އެެއްޗެހި ގަންނަނީ
ހަބަރު 05 Aug 2026 | 10:51

އިސްތިހާރު ނުކުރި ނަމަވެސް، ހުއްދަނެތް އުފެއްދުންތައް ފިހާރަތަކުންވެސް ލިބެން ހުރޭ: އެމްއެފްޑީއޭ

ރާއްޖޭގައި މިހާތަނަށް 8000 އަށްވުރެ ގިނަ ފުޑް ސަޕްލިމަންޓް ލިސްޓުކޮށްފައިވާ ކަމަށާއި ހުއްދައެއް ނެތި ސަޕްލިމަންޓްތައް އިޝްތިހާރު ނުކޮށްވެސް ވިއްކަމުންދާކަމަށް މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން ބުނެފިއެވެ.

ޕީއެސްއެމް ނިއުސްގެ ރާއްޖެ މިއަދު ޕްރޮގްރާމުގައި ވާހަކަދައްކަވަމުން އެ އޮތޯރިޓީގެ ފުޑް ކޮލިޓީ އެޝުއަރަންސްގެ ކޯޑިނޭޓަރު އާމިނަތު ޝަބާނާ ޢަލީ ވިދާޅުވީ ސޯޝަލް މީޑިއާ މެދުވެރިކޮށާއި ފިހާރަތައް މެދުވެރިކޮށް ރަޖިސްޓަރީ ނުކޮށް ތަފާތު ސަޕްލިމަންޓްތައް ވިއްކަމުންދާ ކަން ފާހަގަކުރެވިފައިވާ ކަމަށެވެ. ހުއްދަ ނެތް ބައެއް އުފެއްދުންތައް އިޝްތިހާރު ނުކުރި ނަމަވެސް ފިހާރަތަކުން ގަންނަން ލިބެން ހުންނަ ކަމަށް އޭނާ ވިދާޅުވިއެވެ.

ތަފާތު އެކި ސަޕްލިމަންޓްސްތައް އިޝްތިހާރު ނުކުރި ކަމުގައި ވިޔަސް ރާއްޖޭގެ މާކެޓްގައި އިޝްތިހާރު ނުކުރި ކަމުގައިވިޔަސް ވިއްކަން ހުރޭ. ނޫނީ އެހެން ކަހަލަ ޕްލެޓްފޯމްތަކުންވެސް އަޅުގަނޑުމެންނަށް ފާހަގަވޭ

ޝަބާނާ ވިދާޅުވިއެވެ

ޝަބާނާ ވިދާޅުވި ގޮތުގައި ފޫޑް ސަޕްލިމަންޓަކީ ކާބޯތަކެތީގެ ތެރެއިން ލިބެންޖެހޭ ނިޔުޓްރިއަންޓްސް މަދުވާ ޙާލަތްތަކުގައި ބޭނުންކުރާ ބާވަތްތައް ކަމަށާ، އެއީ ބޭސް ނޫން ކަމަށެވެ. އަދި އެފަދަ ބާވަތްތަކުގެ ގޮތް ނޭނގި ބޭނުން ކުރުމުގެ ސަބަބުން ހަށިގަނޑަށް ދުވާލެއްގެ މައްޗަށް ބޭނުންވާ ނިޔުޓްރިއަންޓްސް އަށްވުރެ ގިނައިންވެސް ބޭނުން ކުރެވޭ ޙަލާތްތައް އަތުވެދާނެކަން އޭނާ ފާހަގަކުރެއްވިއެވެ. އެހެންކަމުން އެތަކެތި ބޭނުން ކުރުމުގެ ކުރީން އެއީ ރެޖސްޓާކޮށް އިވަލުއޭޓް ކުރެވިފައި ހުރި ތަކެތިތޯ ބަލަންޖެހޭ ކަމަށްވެސް އޭނާ ވިދާޅުވިއެވެ.

މީގެ އިތުރުން ޝަބާނާ ވިދާޅުވީ، އެއްވެސް އުފެއްދުމެއް އިޝްތިހާރު ކުރުމުގެ ކުރިން ވެސް އެ އޮތޯރިޓީއަށް ހުށަހަޅައިގެން ހުއްދަ ނެގުން ޖެހޭ ކަމަށާއި ހުށަހެޅުމުން ކަނޑައެޅިފައިވާ މިންގަނޑުތަކަށް ފެތޭތޯ ބެލޭނެ ކަމަށެވެ.

އަދި ލިސްޓުކޮށްފައިވާ ސަޕްލިމަންޓުގެ ޢަދަދު 8000 އަށްވުރެ މައްޗަށް ގޮސްފައިވުމަކީ ދިވެހިން މި ތަކެތި ބޭނުންކުރާ ނިސްބަތް ބޮޑުވެފައިވާ ކަމުގެ ހެއްކެއް ކަމަށް ޝަބާނާ ފާހަގަކުރެއްވިއެވެ.

"މީގެ މާނައަކީ ދިވެހިން މިފަދަ ތަކެތި ބޭނުންކުރާ މިންވަރު ފުދޭ ވަރަކަށް އިތުރު. އެހެންވީމައި އަޅުގަނޑުމެން ބަލަން އެބަޖެހެޔޭ މިހުރިހާ ތަކެއްޗަކީ އަޅުގަނޑުމެންގެ ހަށިގަނޑައް ކޮންމެހެން ބޭނުންހުރި ތަކެތިކަން" ޝަބާނާ ވިދާޅުވިއެވެ.

އޭނާ އިތުރަށް ފާހަގަކުރެއްވި ގޮތުގައި ބައެއް ސަޕްލިމަންޓުތަކުގެ ލޭބަލުގައި ދަރިމައިވުމުގެ ނިޒާމަށް ގެއްލުން ލިބިދާނެ ކަމުގެ އިންޒާރާއި އެ ނޫން ވެސް ޞިއްޙީ އިންޒާރުތައް ހިމެނިފައި ހުންނަ ކަމަށެވެ. އެހެންކަމުން ސަޕްލިމަންޓެއް ބޭނުންކުރުމުގެ ކުރިން އެއީ ހަށިގަނޑަށް ކޮންމެހެން ބޭނުން އެއްޗެއްތޯ ޔަޤީންކުރުމަށް އެ އޮތޯރިޓީން ވަނީ އިލްތިމާސްކޮށްފައެވެ.

އެމްއެފްޑީއޭއިން ބުނި ގޮތުގައި ބާޒާރަށް ނެރޭ އުފެއްދުންތަކުގައި ހިމެނޭ މާއްދާތައް ސާފުކޮށް އެނގޭ ގޮތަށް ލޭބަލް ކުރުމަކީ މަޖުބޫރު ކަމެކެވެ. ލޭބަލްކުރުމާ ބެހޭ އާ ގަވާއިދެއް މި އަހަރުގެ ޖޫން މަހު ގެޒެޓްކޮށްފައިވާއިރު ވިޔަފާރިވެރިންނަށް އެ ގަވާއިދަށް ޢަމަލުކުރުމަށް ހަ މަހުގެ މުހުލަތެއް ވަނީ ދީފައެވެ. އެ މުއްދަތު ހަމަވާ ޑިސެމްބަރު މަހުގެ ފަހުން ކަނޑައެޅިފައިވާ އުސޫލުތަކާ ޚިލާފަށް ލޭބަލްކޮށްގެން ތަކެތި ވިއްކާ ފަރާތްތަކާ މެދު ޤާނޫނީ ފިޔަވަޅު އެޅޭނެ ކަމަށް އެ އޮތޯރިޓީން ވަނީ އިންޒާރު ދީފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ބޯފެނާ ގުޅޭގޮތުން ފަތުރާ ހަގީގަތާ ޚިލާފު މަޢުލޫމާތަށް ސަމާލުވުމަށް އެމްއެފްޑީއޭއިން އިލްތިމާސްކޮށްފި
04 Oct 2026 ހަބަރު

ބޯފެނާ ގުޅޭގޮތުން ފަތުރާ ހަގީގަތާ ޚިލާފު މަޢުލޫމާތަށް ސަމާލުވުމަށް އެމްއެފްޑީއޭއިން އިލްތިމާސްކޮށްފި

ބޯފެނުގައި "ޑައިހައިޑްރޮޖަން މޮނޮކްސައިޑް" ހިމެނޭތީ އެއީ ނުރައްކާތެރި ކަމެއްގެ ގޮތުގައި ސިފަކޮށް، އާންމުންގެ މެދުގައި ބިރުވެރިކަން އުފެދޭ ގޮތަށް ފަތުރަމުންދާ މަޢުލޫމާތުތަކާމެދު ސަމާލުވުމަށް މޯލްޑިވްސް...