ވައިގެ ސަރަހައްދު ބަންދުކުރުމުން ފްލައި ދުބާއީގެ ފްލައިޓް އެނބުރި ވީއައިއޭއަށް
ލިޔުންތެރިޔާ
އަބްދުﷲ ހުސައިން
މިއަދު ހެނދުނު ވެލާާނާ އިންޓަރނޭޝަނަލް އެއާޕޯޓުން ފުރި ފްލައި ދުބާއީގެ ބޯޓެއް މެދުއިރުމަތީގެ ވައިގެ ސަރަހައްދު ކުއްލިއަކަށް ބަންދުކުރުމާ ގުޅިގެން އެނބުރި ވީއައިއޭއަށް ޖައްސައިފިއެވެ.
މި ފްލައިޓް ދުބާއީއަށް ދިއުމަށް ވީއައިއޭއިން ފުރާފައިވަނީ މިއަދު ހެނދުނެވެ. އީރާން އަދި އިސްރާއީލުން ކުއްލިއަކަށް އީރާނަށް ހަމަލާދޭން ފެށުމާ ގުޅިގެން މެދުއިރުމަތީގެ މަޝްރަހު ހޫނުވެ، އެންމެފަހުން އަރަބި ޤައުމުތަކުން ވަނީ އެޤައުމުތަކުގެ ވައިގެ ސަރަހައްދު ބަންދުކޮށްފައެވެ. އެގޮތުން ދުބާއީގެ ވައިގެ ސަރަހައްދު ބަންދުކުރުމުން ރާއްޖެއިން ފުރި ފްލައި ދުބާއީގެ ފްލައިޓް ވަނީ އަނބުރާ ވީއައިއޭއަސް އައިސްފައެވެ.
ވީއައިއޭގެ ފްލައިޓް ޝެޑިއުލަށް ބަލާއިރު، މިއަދު 18:00 ގައި ކޮލަމްބޯ މަގުން ވީއައިއޭއަށް އަންނަން އޮތް ގަލްފް އެއާލައިންގެ ބޯޓެއްގެ ދަތުރުވަނީ ޑިލޭވެފައެވެ. މީގެ އިތުރުން މިއަދު ފުރަންއޮތް އެއާ އަރަބިއާ އަދި ބަހްރެއިނުން އަންނަން އޮތް ގަލްފް އެއާގެ ފްލައިޓެއް ވަނީ ޑިލޭވެފައެވެ.
ތެހެރާނަށް އިޒްރޭލުން ދިން ހަމަލާތަކާ ގުޅިގެން މެދުއިރުމަތީގެ މަޝްރަހް ހޫނުވެ، އީރާން، ޔޫއޭއީ، ގަތަރު، ކުވައިތު އަދި ބަހުރޭނުން ވަނީ އެ ގައުމުތަކުގެ ވައިގެ ސަރަހައްދުތައް ވަގުތުން ބަންދު ކޮށްފައެވެ.
ޔޫއޭއީގެ ޖެނެރަލް ސިވިލް އެވިއޭޝަން އޮތޯރިޓީން ބުނެފައިވަނީ، ސަލާމަތީ ކަންކަމަށް ރިއާޔަތްކޮށް ރައްކާތެރިކަމުގެ ފިޔަވަޅެއްގެ ގޮތުން އެގައުމުގެ ވައިގެ ސަރަހައްދު ވަގުތީ ގޮތުން ބަންދުކޮށްފައިވާކަން ހާމަކޮށްފައެވެ. . ހަމައެހެންމެ، ގަތަރާއި ކުވައިތުން ވެސް ވަނީ ސަލާމަތީ ސަބަބުތަކަށްޓަކައި ވައިގެ ދަތުރުފަތުރުތައް ވަގުތުން ހުއްޓާލާފައެވެ. ބަހުރޭނުން ވެސް ވަނީ އެ ގައުމުގެ ވައިގެ ސަރަހައްދުން މިސައިލްގެ ހަރަކާތްތަކެއް ފާހަގަކުރެވިފައިވާތީ ދަތުރުފަތުރަށް ހުއްޓާލާފައެވެ.
މީޑިއާގެ ރިޕޯޓްތައް ބުނާގޮތުގއި މެދުއިރުމަތީގެ މަޝްރަހް ހޫނުވުމާ ގުޅިގެން ހާއްސަ ގޮތެްގައި ގަލްފްގެ ޤައުމުތައް ކަމަށްވާ، ބަހްރެއިން، ކުވެއިތް، އޮމާން، ޤަތަރު، ސައުދީ އަރަބިއާ އަދި ޔޫއޭއީން ވަނީ އެ ޤައުމުތަކަށް ނިސްބަތްވާ އެއާޕޯޓްތަކުގެ ފްލައިޓް އޮޕަރޭޝަންތަކުގެ ބޮޑުބައެއް ހުއްޓުަކަށް ގެނެސްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
