ބޯފެން ހުސްކުރި ފުޅިތައް ކާބޯތަކެތި ބަންދުކުރަން ބޭނުންނުކުރަން އަންގައިފި
ލިޔުންތެރިޔާ
އަހުމަދު ހަމީދު އާދަމް
ބޯފެނާއި ލުއިބުއިންތައް ހުސްކުރި ޕެޓް ފުޅިތައް ކާބޯތަކެތި ބަންދުކުރަން ބޭނުންކުރަން މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) އިން އަންގައިފި އެވެ.
އެމްއެފްޑީއޭ އިންނެރުނު ބަޔާނެއްގައި ބޯފެނާއި ލުއިބުއިން ބަންދުކުރުމަށް ބޭނުންކުރާ ޕްލާސްޓިކް ފުޅިތަކުގައި ކާބޯތަކެތި ބަަންދުކޮށް ބޭނުންކުރަމުންދާކަން ފާހަގަކުރެވިފައިވާ ކަމަށެވެ.
މި ފުޅިތަކަކީ އެއްފަހަރު ބޭނުންކުރުމަށްފަހު އުކައިލާ ގޮތަށް ވަކި ބާވަތެއްގެ ޕްލާސްޓިކެއް ބޭނުންކޮށްގެން ތައްޔާރުކޮށްފައި ހުންނަ ފުޅިތަކެއް ކަމަށާ މި ފުޅިތަކަކީ ވަކި ބާވަތެއްގެ އުފެއްދުންތަކެއް ބަންދުކުރަން ބޭނުންކުރާ ފުޅިތަކެއް ކަމަށްވެސް ބުނެފައިވެ އެވެ.
އެހެން ނަމަވެސް މި ފުޅިތަކުގައި އެހެނިހެން ބާވަތްތަކުގެ ތަފާތު އެކި ކާބޯތަކެތި ބަންދުކޮށް ވިއްކަމުންދާކަން ފާހަގަކުރެވިފައިވާ ކަމަށެވެ. މީގެ ސަބަބުން ފުޅިން ޕްލާސްޓިކްގެ އަސަރު ކާބޯތަކެއްޗަށް ކުރުމާއި އޭގެ ޒަރިއްޔާއިން އިންސާނުންގެ ސިއްހަތަށް ނޭދެވޭ އަސަރުކުރުމުގެ ފުރުސަތު އޮތް ކަމެއް ކަމަށެވެ.
ވީމާ ބޯފެންނާއި ލުއިބުއިންތަކަށް ހުސްކުރި ޕެޓްފުޅިތައް ކާބޯތަކެތި ބަންދުކުރުމަަށް ބޭނުން ނުކުރަން ވަނީ އަންގާފަ އެވެ.
ބޯފެނާއި ލުއިބުއިންތައް ހުސްކުރި ޕެޓް ފުޅިތައް ކާބޯތަކެތި ބަންދުކުރަން ބޭނުންކުރަން އެންގިއިރު މިފަދަ ފުޅިތަކުގައި ވަރަށް ގިނައިން ބޯތަކެތި ބަންދުކޮށް ވިއްކާ ހަދަ އެވެ. އަދި ބޯފެން އަޅަން ވެސް ބޭނުން ކުރެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
