ޕާކިން ސްލޮޓް ގަންނަ ފަރާތްތަކަށް، އެސްލޮޓްތަށް ވިއްކާލުމުގެ ފުރުސަތު އޮންނާނެ: ފަޒުލް

ޕާކިން ސްލޮޓް ބަައްލަވައިގަންނަވާ ފަރާތްތަކުން، ބޭނުންވެއްޖެ ހާލަތެއް އެސްލޮޓްތަށް ވިއްކާލުމުގެ ފުރުސަތު އޮންނާނެ ކަމަށް އެޗްޑީސީގެ މެނޭޖިން ޑިރެކްޓަރ އިބްރާހީމް ފަޟުލް ރަޝީދު ވިދާލުވެއްޖެއެވެ.

ހުޅުމާލޭގައި 4000 ޕާކިން ސްލޮޓް ހިމެނޭގޮތަށް 15 ޕާކިން ޢިމާރާތް އެޅުމާގުޅޭ އެއްބަސްވުމުގައި ވަނީ ސޮއިކުރައްވާފައެވެ.

މި އެއްބަސްވުމާއި ގުޅިގެން މައުލޫމާތު ދެއްވަމުން ފަޒުލް ވިދާޅުވީ،  ފަޟުލް ވިދާޅުވީ ސްލޮޓްތައް ވިއްކާނެ އަގުތަކާއި ގުޅޭގޮތުން މަޝްވަރާކުރަމުންދާކަމަށާއި، އަމާޒަކީ ވީހާވެސް ކުޑަ އަގުގައި ސްލޮޓްތައް ދޫކުރުންކަމަށެވެ. އަދި އެ ސްލޮޓްތައް ގަންނަ ފަރާތްތަކަށް އުމުރަށް އެ ސްލޮޓް ލިބޭނެ ކަމަށެވެ.

”މާނައަކީ އެ ޕްލޮޓް ލިބިލައްވާނޭ އެޕާޓްމަންޓެއް އޯން ކުރާ އުސޫލުން. އެގޮތަށޭ ވިއްކަން ހަމަޖެހުފައު މިއޮތީ“ ފަޒުލް ވިދާޅުވިއެވެ.

މިއާއެކު ފަޒުލް ވިދާޅުވީ، ސްލޮޓް ގަންނަ ފަރާތްތަކުން އެ ސްލޮޓް ވިއްކާލަން ބޭނުންވެއްޖެ ހަލާތްތަކުގައި އެ ފުރުސަތުވެސް އޮންނާނެ ކަމަށެވެ:

ޕާކިންގް ސްލޮޓްތައް ބައްލަވައިގަންނަވާ ފަރާތަކަށް، ވިޔަފާރީގެ ގޮތުންވެސް، އެނޫން ގޮތުންވެސް، އެއްފަރާތުން އަނެއް ފަރާތަށް ޕާކިންގ ސްލޮޓް ދިނުމުގެ ފުރުސަތު ފަހިވެގެންދާނެ. އެހެންވީމާ އެފޯޑް ނުކުރެވޭ ޙާލަތެއް ދިރިއުޅުމުގަްި ދިމާވެއްޖެ ނަމަ، ނޫނީ ވިއްކާލާން ޖެހޭ ނަމަ، ހަމަ އެޕާޓްމަންޓް ނޮވޭޓް ކުރުމުގެ  އުސޫލުގެ ތެރެއިން ޕާކިންގ ސްލޮޓްވެސް ނޮވޭޓް ކުރުމުގެ ދުރުސަތު ފަހިވެގެންދާނެ

އެޗްޑީސީގެ މެނޭޖިން ޑިރެކްޓަރ އިބްރާހީމް ފަޟުލް ރަޝީދު

މިއާއެކު ފަޒުލް ވިދާޅުވީ 15 ޢިމާރާތުގެ މަސައްކަތް ކުރިއަށްގެންދާނީ ދެ ފިޔަވައްސަކަށް ބަހާލައިގެންކަމަށާ، ފުރަތަމަ އަހަރު 7 ޢިމާރާތުގެ މަސައްކަތް ނިންމުމަކީ ޢަމާޒުކަމަށެވެ.

އިމާރާތްތަކުގައި ހިމެނޭނީ 3920 ކާރު ޕާކިން، 3426 ސައިކަލު ޕާކިން ޖާގައެވެ. ޢިމާރާތުގައި ހަދާ ޕާކިން ސްލޮޓްތަކުން %90 އަކީ ބީލަމުގައި ވިއްކުމަށް ކަނޑައަޅާ ސްލޮޓްތަކަށްވާއިރު، %10 ކަނޑައަޅާނީ ވިޒިޓަރ ޕާކިން ނުވަތަ ވަކި ވަގުތަކަށް ޕާކުކުރުމަށް ދޫކުރާ އޭރިއާއެއްގެ ގޮތުގައި ކަމަށާ ނުކުޅެދުންތެރިކަން ހުންނަ މީހުންނަށް ޚާއްސަ ޕާކިން ޖާގަތައްވެސް ހިމެނޭނެ ޖަމަށް ފަޒުލް ވިދާޅުވިއެވެ.

."ސޯލާއިން ޢިމާރާތަށް ކަރަންޓު ދޭއިރު، ޕާކިންގެ ޚިދުމަތްތައް އޮޓަމޭޓް ކުރާނެ. މީގެއިތުރުން އެކި ކަހަލަ ވިޔަފާރިއަށް ދޫކުރާ ފްލޯގައި ކެފޭ ރެސްޓޯރަންޓްތަކާއި ވިޔަފާރިތައް ހިންގޭނެ. 24 ގަޑިއިރު ސަވައިލަންސް ނިޒާމެއްވެސް ހުންނާނެ." ފަޒުލް ވިދާޅުވިއެވެ.