ކ. ގުޅީގައި 800 ކިލޯވޮޓުގެ އައު އިންޖީނުން ޚިދުމަތްދޭން ފަށައިފި
ކ. ގުޅީގެ ކަރަންޓުގެ ޚިދުމަތް އިތުރަށް ހަރުދަނާކޮށް، މި ހޫނު މޫސުމުގައި ކަރަންޓު ބޭނުންކުރާ މިންވަރު އިތުރުވާނެތީ އެކަމަށް ތައްޔާރުވުމުގެ ގޮތުން އެރަށަށް ގެންދިޔަ 800 ކިލޯވޮޓުގެ އައު އިންޖީނު ބަހައްޓައި، އެއިން ރަސްމީކޮށް ޚިދުމަތްދޭން ފަށައިފިއެވެ.
ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން މިއަދު ހާމަކުރި ގޮތުގައި، މި އައު އިންޖީނު ބަހައްޓައި ޚިދުމަތަށް ނެރުމާއެކު، ގުޅީގެ ޕަވަރ ޖަނަރޭޝަން ކެޕޭސިޓީ ނުވަތަ ކަރަންޓު އުފެއްދުމުގެ ގާބިލުކަން ވަނީ 1904 ކިލޯވޮޓަށް އިތުރުކުރެވިފައެވެ.
މި މަޝްރޫއަކީ މިއަހަރުގެ ޕީކް ސީޒަނާ ދިމާކޮށް، ކަރަންޓު ކެނޑުމުގެ މައްސަލައަށް ދާއިމީ ހައްލެއް ހޯދައިދިނުމަށް ސްޓެލްކޯއިން ކުރިއަށްގެންދިޔަ މަސައްކަތެކެވެ.
ކ. ގުޅިއަކީ ފަހަކަށް އައިސް ލޯކަލް ޓޫރިޒަމް ފުޅާދާއިރާއެއްގައި ކުރިއަރަމުން އަންނަ ރަށަކަށް ވުމާއެކު، ކަރަންޓުގެ ޚިދުމަތް ވަރުގަދަކުރުމަކީ ރަށުގެ ގެސްޓްހައުސްތަކަށާއި އާންމު ވިޔަފާރިތަކަށް ލިބިގެންދާނެ ވަރަށް ބޮޑު ހިތްހަމަޖެހުމެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
