ފެނަކައިގެ އެމްޑީ އަދި ކުރީގެ މެންބަރު ހުސައިން ޝަހީމް
ފެނަކައިގެ އެމްޑީ އަދި ކުރީގެ މެންބަރު ހުސައިން ޝަހީމް
ހަބަރު 27 Sep 2025 | 13:32

ފެނަކަ އޮޑިޓް: އިއުލާނެއް އެއްބަސްވުމެއް ނެތި، އަނދުން ހުސައިނުގެ ކުންފުނިން 111 މިލިއަން ރުފިޔާގެ ތެޔޮ ގަތް

އެއްބަސްވުމެއް ނުހަދައި އަދި އިއުލާނު ވެސް ނުކޮށް، އެމްޑީޕީ ސަރުކާރުގައި އެ ޕާޓީގެ ޕާލިމަންޓްރީ ގްރޫޕުގެ ޑެޕިއުޓީ ލީޑަރު ހެންވޭރު ދެކުނު ދާއިރާގެ ކުރީގެ މެންބަރު އަނދުން ހުސައިންގެ ކުންފުނިން 111 މިލިއަން ރުފިޔާގެ އަޑީތެޔޮ ފެނަކައިން ގަތެފައިވާ ކަމަށް އޮޑިޓުން ހާމަވެއްޖެއެވެ.

މިދިޔަ ބުރާސްފަތި ދުވަހު އޮޑިޓާ ޖެނެރަލްގެ އޮފީހުން ނެރުނު 2021 ވަނަ އަހަރުން 2023 ވަނަ އަހަރުގެ އޮޑިޓް ރިޕޯޓުން ދައްކާ ގޮތުން، މާލިއްޔަތު ޤާނޫނާއި، ފެނަކަ އަދި ޕީސީބީގެ ގައިޑްލައިންތަކާއި ޕްރޮކިއުމަންޓް އުސޫލުތަކާ ޚިލާފު ގިނަ ކަންކަމެއް އޭރުގެ ފެނަކައިގެ ވެރިން ވަނީ ކޮށްފައެވެ.

އެގޮތުން އެ މުއްދަތުގެ ތެރޭގައި ފެނަކައިގެ އިންޖީނުގެތަކަށް ބޭނުންވާ އަޑީތެޔޮ ގަތުމުގެ ނަމުގައި 127.6 މިލިއަން ރުފިޔާ ޚަރަދުކޮށްފައިވާ ކަމަށް އެ ރިޕޯޓުން ދައްކައެވެ. އޭގެ ތެރެއިން 111.95 މިލިއަން ރުފިޔާގެ އަޑީތެޔޮ ފެނަކައިން ގަނެފައިވަނީ ކުރީގެ މެންބަރު އަނދުން ހުސައިންގެ ހިއްސާ އޮންނަ ސިރިއަސް އެންޓަޕްރައިސް މެދުވެރިކޮށެވެ.

އަދި ބާކީ 15 މިލިއަނެއްހާ ރުފިޔާގެ ތެޔޮ އެ ކުންފުނިން ގަނެފައިވަނީ ސަރުކާރު ކުންފުނި އެމްޓީސީސީ އަދި އެސްޓީއޯ މެދުވެރިކޮށެވެ.

އެގޮތުން އެ އަޑީތެޔޮތައް ގަނެފައިވަނީ އާންމު އުސޫލުން މުދަލާއި ޚިދުމަތް ހޯދަން ޖެހޭ ގޮތަށް ފެނަކައިގެ ޕްރޮކިއުމަންޓް ޕޮލިސީން ކަނޑައަޅާފައިވާ އަގުތަކަށް ވުރެ ބޮޑުނުވާ އަދަދަށް އެއް ދުވަހެއްގައި އެއް ޕާޗޭސް އޯޑަރުތަކަށް ވުރެ ގިނަ ޕާޗޭސް އޯޑަރުތައް އަޑީ ތެޔޮ ވިއްކި ކުންފުނިތަކަށް ފޮނުވައިގެން ކަމަށް އެ ރިޕޯޓުގައި ބުންޏެވެ.

މި ވިޔަފާރިތައް ފެނަކައިން ހިންގާފައިވަނީ އެއްބަސްވުމެއް ވެސް ނުހަދައި ކަމަށް އެ ރިޕޯޓުގައި ފާހަގަކޮށްފައިވެއެވެ.

ފެނަކައިގެ އޮޑިޓުން އެފަދަ ކިތަންމެ ކަމެއް ފާހަގަކުރެވުނުއިރު، އެކުންފުނީގެ އޭރުގެ އެމްޑީ އަޙްމަދު ސަޢީދާއި އާއިލީ ގޮތުން ގުޅުން އޮންނަ ތިން ކުންފުންޏަކަށް ވާދަވެރި ބީލަމެއްގެ ޕްރޮސެސް އިން ބޭރުން މުޅި ޖުމްލަ 92 އެއްބަސްވުމެއްގެ ދަށުން 49.7 މިލިއަން ރުފިޔާގެ އެއްބަސްވުން ހެދިކަން ވެސް ވަނީ ފަޅާއަރާފައެވެ.

އެއީ ޝެލްޓާ ހޯލްޑިންސް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާއި ޕަަވަރޭ އިންވެސްޓްމެންޓް ޕްރައިވެޓް ލިމިޓެޑް ނަމަކަށް ކިޔާ ކުންފުނި އަދި ކޮރަލް އިންވެސްޓްމެންޓް ޕްރައިވެޓް ލިމިޓެޑް އެވެ.

ރިޕޯޓްގައިވާ ގޮތުން މީގެ ތެރެއިން ދެ ކުންފުންޏަކީ ސައީދުގެ ޅިޔަނުންގެ ކުންފުނިތަކެވެ. އަދި އަނެއް ކުންފުންޏަކީ ޅިޔަނެއްގެ ދަރިއެއްގެ ކުންފުންޏެކެވެ.

އޭގެ ތެރެއިން ޝެލްޓާ ކުންފުންޏަށް އޮޑިޓް ރިޕޯޓްގައި ބުނި ގޮތުގައި އެ ކުންފުންޏަށް ފެނަކައިން 84 އެއްބަސްވުމެއްގެ ދަށުން 22.2 މިލިއަން ރުފިޔާގެ މަސައްކަތް ހަވާލުކުރި އެވެ. ބިޑަށް ހުޅުވާލުމަކާ ނުލައި، ދިން އެ މަސައްްކަތްތަކަށް 16.4 މިލިއަން ރުފިޔާ ދޫކޮށްފަައިވާ ކަން ވެސް އޮޑިޓުން އެނގުނެވެ.

އަދި ޕަވަރޭ ކުންފުންޏަށް 15.7 މިލިއަން ރުފިޔާގެ އެއްބަސްވުންތަކުގެ ދަށުން 10.1 މިލިއަން ރުފިޔާ ދޫކުރިއިރު، ކޮރަލް ކުންފުންޏަށް 11.6 މިލިއަން ރުފިޔާގެ އެއްބަސްވުންތަކުގެ ދަށުން 4.5 މިލިއަން ރުފިޔާ ދޫކޮށްފައިވެއެވެ.

އެގޮތުން އެ ތިން ކުންފުންޏަށް އެކަނި ވެސް މުޅި ޖުމްލަ 31 މިލިއަން ރުފިޔާ ދޫކޮށްފައިވާ ކަމަށް އެ ރިޕޯޓުން ދައްކައިފައިވެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

2024 ވަނަ އަހަރު ފެނަކައަށް 547 މިލިއަނަށްވުރެ ގިނަ ރުފިޔާގެ ގެއްލުމެއް؛ ސަޕްލަޔަރުންނަށް ދައްކަން ޖެހޭ ތިން ބިލިއަން ރުފިޔާ އޮތް
12 Nov 2026 ހަބަރު

2024 ވަނަ އަހަރު ފެނަކައަށް 547 މިލިއަނަށްވުރެ ގިނަ ރުފިޔާގެ ގެއްލުމެއް؛ ސަޕްލަޔަރުންނަށް ދައްކަން ޖެހޭ ތިން ބިލިއަން ރުފިޔާ އޮތް

އޮޑިޓަރ ޖެނެރަލް އޮފީހުން ނެރެފައިވާ ފެނަކަ ކޯޕަރޭޝަން ލިމިޓެޑްގެ 2024 ވަނަ އަހަރުގެ އޮޑިޓް ރިޕޯޓުން ދައްކާގޮތުން، އެ ކުންފުންޏަށް އެ އަހަރު 547 މިލިއަނަށްވުރެ ގިނަ ރުފިޔާގެ ގެއްލުމެއް ލިބިފައިވެއެވެ. އަދި ކުންފުނީގެ މާލީ ހާލަތު އޮތް ގޮތުން ހިސާބުތަކުގެ ސައްހަކަން ކަށަވަރުކުރުމަށް ފުރިހަމަ ލިޔެކިޔުންތައް ނުލިބޭތި، އޮޑިޓަރުން ވަނީ މި ބަޔާނަށް ރައުޔެއް ދިނުމުން އުޒުރުވެރިވެފައެވެ.