ވަލީދާ ވަލީދު
ވަލީދާ ވަލީދު
ހަބަރު 12 Oct 2026 | 10:35

އެއްބަސްވުމާއެއްގޮތަށް ލޯނު ފައިސާ ނުދެއްކުމުން، ބޭންކަށް އެ ފައިސާ ދައްކަން ކޯޓުން ވަލީދާއަށް ޙުކުމްކޮށްފި

ބޭންކް އޮފް މޯލްޑިވްސް (ބީއެމްއެލް) އިން ނަގާފައިވާ "ލުއި އެކްސްޕްރެސް" ލޯނެއްގެ ފައިސާ އާއި ކްރެޑިޓް ކާޑަށް ދައްކަންޖެހޭ ގިނަ އަދަދެއްގެ ފައިސާ ދައްކާފައި ނުވާތީ އެފައިސާ ބޭންކަށް ދެއްކުމަށް ކުރީގެ ޑެޕިއުޓީ މިނިސްޓަރު ވަލީދާ ވަލީދު އަށް ސިވިލް ކޯޓުން ޙުކުމްކޮށްފިއެވެ. މި ޙުކުމް ކުރީ މިމަހު 11 ވަނަ ދުވަހުއެވެ.

ދަޢުވާގެ ޚުލާޞާ

ސިވިލް ކޯޓަށް ހުށަހެޅި މި މައްސަލައަކީ، ވަލީދާ ވަލީދުގެ އެދުމަކަށް، ބޭންކް އޮފް މޯލްޑިވްސް ޕލކ އިން "ލުއި އެކްސްޕްރެސް" ލޯނު ދޫކުރުމަށް ކަނޑައަޅާފައިވާ އެންމެހައި ޝަރުޠުތަކަށް އެއްބަސްވެ، 29 މާރިޗު 2022 ގައި -/100,000ރ (އެއްލައްކަ ރުފިޔާ) ގެ ލޯނެއް ވަލީދާ ވަލީދުއަށް ދޫކޮށްފައި ވަނިކޮށް، އެ އެއްބަސްވެފައިވާ ގޮތަށް ލޯނުގެ ފައިސާ އަދާކޮށްފައިނުވާތީ، މި ލޯނަށް ދައްކަންޖެހޭ އެންމެހައި ފައިސާ އިންޓްރެސްޓާއި ޖޫރިމަނާގެ ފައިސާއާ އެކު އެއްފަހަރާ ލިބިގަތުމަށްއެދި ބޭންކް އޮފް މޯލްޑިވްސްގެ ފަރާތުން ވަލީދާ ވަލީދުގެ މައްޗަށް ދަޢުވާކޮށް ހުށަހެޅުމުން ބެލި މައްސަލައެކެވެ.

ދެވަނަ މައްސަލަ އަކީ ވަލީދާއަށް ދޫކޮށްފައިވާ 74,985ރ. ގެ ލިމިޓެއް އޮތް ވިސާ ގޯލްޑް ކްރެޑިޓް ކާޑު ބޭނުންކުރުމަށްފަހު ފައިސާ ދައްކާފައިނުވާ މައްސަލައިގައި، 6 އޮކްޓޫބަރު 2026 އާ ހަމައަށް އަރާފައިވާ 7,905.09 USD އާއި، ރިކަވަރީ ފީގެ 5,000ރ. އަދި އިތުރަށް އަރަމުންދާ އިންޓްރެސްޓާއި ޖޫރިމަނާ ހޯދުމަށް ބޭންކުން ހުށަހެޅި މައްސަލައެކެވެ.

މިއަދުން ފެށިގެން ހަ މަސްދުވަހުގެ ތެރޭގައި މަހުން މަހަށް ބަހާލައިގެން ދައްކައި ނިންމުމަށް ވަނީ ހުކުމްކޮށްފައެވެ.

ކޯޓުގެ ޙުކުމް

ލޯނުގެ މައްސަލާގައި ކޯޓުގެ ޙުކުމުގައި ބުނެފައިވަނީ، 2026 ވަނަ އަހަރުގެ އޮކްޓޫބަރު މަހުގެ 6 ވަނަ ދުވަހާ ހަމައަށް ލޯނުގެ ބާކީގައި -/70,935.64ރ (ހަތްދިހަހާސް ނުވަސަތޭކަ ތިރީސް ފަސްރުފިޔާ ފަސްދޮޅަސް ހަތަރު ލާރި) ދައްކަންޖެހި ނުދައްކައިވާކަމާއި، މި ލޯނާ ގުޅިގެން އިތުރަށް އަރަމުންދާ އިންޓްރެސްޓާއި ޖޫރިމަނާއަކީ ބޭންކް އޮފް މޯލްޑިވްސް އަށް ވަލީދާ ވަލީދު ދައްކަންޖެހޭ ފައިސާއެއްކަން، ވަލީދާ ވަލީދުގެ އިޢުތިރާފުން ޝަރީޢަތަށް ސާބިތުވާކަމަށެވެ.

އެހެންކަމުން، މި ލޯނުގެ ފައިސާއާއި، އިންޓްރެސްޓާއި ޖޫރިމަނާގެ ފައިސާއެކުގައި އަދާކޮށް އެކައުންޓު ބަންދުކުރެވެންދެން ޗާޖުކުރެވެމުންދާ އިންޓްރެސްޓާއި ޖޫރިމަނާގެ ފައިސާއާއި، އަދި ބޭންކުގެ "ޝެޑިއުލް އޮފް ޗާރޖަސް އެންޑް ފީޒް" ގެ 6 ވަނަ މާއްދާގެ ދަށުން ރިކަވަރީ ފީގެ ގޮތުގައި ޗާޖުކުރެވޭ -/5,000ރ (ފަސްހާސް ރުފިޔާ) އަކީ ވަލީދާ ވަލީދު ބޭންކް އޮފް މޯލްޑިވްސް އަށް ދައްކަންޖެހޭ ފައިސާ ކަމުގައި ކޯޓުން ވަނީ ކަނޑައަޅާފައެވެ.

އަދި އިއްޔެ އިން ފެށިގެން ފަސް މަސްދުވަހުގެ ތެރޭގައި ކޮންމެ މަހަކު އެމަހަކަށްޖެހޭ ވަރަށްވުރެ މަދުނޫން އަދަދެއްގެ ފައިސާ ބޭންކް އޮފް މޯލްޑިވްސް އަށް ދައްކަމުންގޮސް މި ލޯނުގެ އެންމެހައި ފައިސާ ދައްކާ ޚަލާޞްކުރުމަށް ވަލީދާ ވަލީދުއަށް ސިވިލް ކޯޓުން ވަނީ އަންގައި ޙުކުމްކޮށްފައެވެ.

މީގެ އިތުރުން، ކްރެޑިޓް ކާޑުގެ ފައިސާ ނުދައްކާ އޮތް މައްސަލާގައި، 6 އޮކްޓޫބަރު 2026 އާ ހަމައަށް އަރާފައިވާ 7,905.09 USD އާއި، ރިކަވަރީ ފީގެ 5,000ރ. އަދި އިތުރަށް އަރަމުންދާ އިންޓްރެސްޓާއި ޖޫރިމަނާ، މިއަދުން ފެށިގެން ހަ މަސްދުވަހުގެ ތެރޭގައި މަހުން މަހަށް ބަހާލައިގެން ދައްކައި ނިންމުމަށް ވަނީ ހުކުމްކޮށްފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ރީކޯ މޫސާގެ 2 ރަށެއް 45.6 މިލިއަން ޑޮލަރަށް ވިއްކާލުމަށް ބީއެމްއެލްއިން އިއުލާންކޮށްފި
15 Nov 2026 ވިޔަފާރި

ރީކޯ މޫސާގެ 2 ރަށެއް 45.6 މިލިއަން ޑޮލަރަށް ވިއްކާލުމަށް ބީއެމްއެލްއިން އިއުލާންކޮށްފި

މި ރަށްތަކަކީ ހެވީ ލޯޑް މޯލްޑިވްސް ޕްރައިވެޓް ލިމިޓެޑްގެ ފަރާތުން ބޭންކަށް ރަހުނުކޮށްފައިވާ ރަށްތަކެކެވެ.