މިސްކިތްތައް އެޅުމަށް މާލޭގައި ހުރި ބިމުގެ ދަތިކަން ރަސްމާލެ ތަރައްގީވުމުން ހައްލުވާނެ: ޑރ ޝަހީމް
މިސްކިތްތައް އެޅުމަށް މާލޭގައި ބިމުގެ ދަތިތައް އެބަހުރިކަމަށާއި، ރަސްމާލެ ތަރައްގީވުމުން މި މައްސަލައަށް ހައްލު ލިބި އިތުރު މިސްކިތް ތައް އަޅަން ފުރުސަތު ލިބިގެންދާނެ ކަމަށް އިސްލާމީ ކަންތައްތަކާއި ބެހޭ ވަޒީރު ޑރ. މުހައްމަދު ޝަހީމް ޢަލީ ސަޢީދު މިއަދު ވިދާޅުވެއްޖެއެވެ.
ހިލޭ އެހީގެ ދަށުން މިސްކިތްތަށް އިމާރާތް ކުރުމަށް އެދޭ ތިން ފަރާތަކާ އެކު އެއްބަސްވުމުގައި ސޮއިކުރުމަށް މިއަދު ބޭއްވި ރަސްމިއްޔާތުގައި ވާހަކަ ދައްކަވަމުން ވަޒީރު ޝަހީމް ވިދާޅުވީ، ވިދާޅުވީ އަމިއްލަ ޚަރަދުގައި މިސްކިތް ބިނާކުރުމަކީ ވަރަށް މާތް މަތިވެރި ކަމެއް ކަމަށާއި އެއީ މާތް الله ލޯބިވެވޮޑިގަންނަވާ ކަމެއް ކަމަށެވެ.
އެހެން ނަމަވެސް، މާލެ ސަރަހައްދުގައި މިސްކިތެއް އަޅަން ބިމެއް ލިބުނީ ދަތި ކަމެއް ކަމަށާށ ރަސްމާލެ އާއެކު އެކަން ހައްލު ވާނެ ކަމަށް ވިދާޅުވި އެވެ.
މާލޭ އޭރިޔާއިން މިސްކިތެއް އަޅަން ފުރުސަތު ލިބުމަކީ ވަރަށް ބޮޑު ހެޔޮކަމެއް. މިހާރު ބިން ނެތީ ތަންތަނުގައި. އެކަމަކު، ރަސްމާލޭ އާއި މިސަރަހައްދުތައް ހިކި، އަލުން މީހުން އާބާދުވާން ފެށީ ހިސާބުން އަދި އިތުރަށް މިސްކިތް ތައް އަޅަން މީހުން ބޭނުންވާނެ. އެހެންވީމާ އަޅުގަނޑުމެންގެ ދުޢާ އަކީ ވީ އެންމެ އަވަހަކަށް، ތަންތަން ހިކި، މިސްކިތް ތައް ބިނާ ކުރެވި، މިހުރިހާ ކަމެއް ވެގެން ދާނެ ކަމަށް އިންޝާ الله
ޑރ. ޝަހީމް ޢަލީ ސަޢީދު
މިއާއެކު ޝަހީމް ވިދާޅުވީ, ރާއްޖޭގައި އަޅާފައިވާ ރީތި ބޮޑެތި މިސްކިތްތަކަކީ އަމިއްލަ ފަރުދުންނާއި އާއިލާތަކާއި ވިޔަފާރިތަކުން ކަމަށާއި، އެކަމުން ދައްކުވައިދެނީ އާންމު ފަރުދުންގެ މެދުގައި ދީނީ ކަންތައްތަކަށް އޮތް ލޯބި ކަމަށެވެ.
އަދި މިފަދަ މަސައްކަތްތައް ކުރާ އެންމެހާ ފަރާތްތަކަށް ސަރުކާރުން އެއަބާރުލުން ދެއްވާނެ ކަމުގެ ޔަގީންކަން ޝަހީމް ގެ ވާހަކަފުޅުގައި ވަނީ ދެއްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
