ރައީސް ސޯލިހާއެކު އިތުބާރު ޓީމުން ހުރިހާ ސިޓީތަކަށް
ލިޔުންތެރިޔާ
އަހުމަދު ހަމީދު އާދަމް
އެމްޑީޕީގެ ޗެއާޕާސަން އިންްތިހާބުގައި ވާދަކުރައްވާ މީކާއީލް އަހްމަދު ނަސީމްގެ "އިތުބާރު" ކެމްޕެއިން ޓީމުން ހުރިހާ ސިޓީތަކަށް ކުރާ ދަތުރުތަކުގައި ކުރީގެ ރައީސް އިބްރާހިމް މުހައްމަދު ސޯލިހް ބައިވެރިވެވަޑައިގަަންނަވާނެ ކަމަށް އެ ޓީމުން ބުނެފި އެވެ.
ރައީސް ސޯލިހްގެ ތާއީދު އޮތީ މީކާއީލަށެވެ. އެކަން އެމަނިކުފާނު ވަނީ ހާމަކުރައްވާފަ އެވެ. ނަމަވެސް ރަސްމީކޮށް އަދި ކެމްޕެއިން ހަރަކާތްތަކުގައި ބައިވެރިވެވަޑައިނުގަންނަވަ އެވެ.
"އިތުބާރު" ކެމްޕެއިން ޓީމުން ބުނީ މި މަހުގެ ފަހަކުން 10 އަކަށް އެ ޓީމުގެ ކެމްޕެއިން ހަރަކާތްތައް ފަސް ސިޓީގައި ކުރިއަށްދާނެ ކަމަށެވެ. މި ދަތުރުތަކުގައި ރައީސް ސޯލިހް ބައިވެރިވެވަޑައިގަންނަވާނެ ކަމަށް ބުނެފައިވެ އެވެ.
އެ ޓީމުން ފުރަތަމަ ދާނީ ފުވައްމުލަކު ސިޓީއަށެވެ. އެއީ މި މަހުގެ ފަސްވަނަ ދުވަހު އެވެ. ހަވަނަ ދުވަހު ތިނަދޫ ސިޓީއަށް ދާނެ އެވެ. އަދި ހަތްވަނަ ދުވަހު އައްޑޫ ސިޓީއަށް ދާނެ އެވެ.
ކުޅުދުއްފުށި ސިޓީއަށް ދާނީ ޖޫން ނުވަވަނަ ދުވަހު އެވެ. އަދި ކެމްޕެއިން ނިންމުމުގެ ގޮތުން ޖޫން 10 ވަނަ ދުވަހު މާލޭގައި ބޮޑު ޖަލްސާއެއް ބޭއްވުމަށް ވަނީ ހަމަޖެހިފަ އެވެ. އެ ޖަލްސާގައި ރައީސް ސޯލިހް ބައިވެރިވެވަޑައިގަންނަވާނެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
