ޔުމްނު ވެއްޓުނު ހާދިސާ: ތަހުގީގުގައި އިހްމާލުވި ފުލުހުންނަށް ފިޔަވަޅު އަޅައިފިން: އިހްސާން

މިދިޔަ އަހަރުގެ އޭޕްރީލު 18 ވަނަ ދުވަހު މާލޭގެ ގެއެއްގެ ފުރާޅުމައްޗަށް ޔުމްނު ކިޔާ އަންހެނަކު ވެއްޓިފައި އޮއްވައި ވެއްޓުނު ހާދިސާގެ ތަހުގީގުގައި އިހްމާލުވި ފުލުހުންނާމެދު ފިޔަވަޅު އަޅާފައިވާ ކަމަށް ދާޚިލީ ވަޒީރު ޢަލީ އިހްސާން ވިދާޅުވެއްޖެއެވެ.

މި މަފުލުހުންގެ މުވައްސަސާއިން ފަރުވާކުޑަ ކުރި ކަމަށް އެ މައްސަލަ ތަހުގީގު ކުރުމަށް ރައީސުލްޖުމްހޫރިއްޔާ އުފެއްދެވި ރިޔާސީ ކޮމިޝަނުން ވަނީ ބުނެފައެވެ. އަދި އެ މައްސަލައިގައި ފިޔަވަޅު އެޅުމަށްވެސް އެ ކޮމިޝަނުން ވަނީ ލަފާދީފައެވެ.

އެ މައްސަލާގައި ފުލުހުންނާމެދު އެޅި ފިޔަވަޅާ ބެހޭ ގޮތުން މިއަދުގެ މަޖިލީހުގެ ޖަލްސާގައި މެންބަރަކު ކިރެއްވި ސުވާލަށް ޖަވާބު ދެއްވަމުން ވަޒީރު އިހްސާން ވިދާޅުވީ، އެ ފުލުހުންނާމެދު މިހާރު ފިޔަވަޅު އަޅާފައިވާ ކަމަށެވެ.

އަޅުގަނޑުމެންނަށް މި ހީވެފައި އޮންނަނީ، ފިޔަވަޅު އެޅުމުގެ ކޮންމެ ހާލަތަކީ މީހަކު ވަޒީފާއިން ވަކިކޮށް ނުވަތަ ސަސްޕެންޑް ކުރާ ޙާލަތޭ. އެހެންނެއް ނޫން. ޔުނިފޯމް މުވައްސަސާތަކުގައި ފިޔަވަޅުއެޅުމަށް ހުރޭ ވަރަށް ގިނަމިންގަނޑުތައް. އޭގެ ތެރެއިން އެއް މިންގަނޑަކީ އެފަރާތްތައް ގެނެސް ރީ ޓްރެއިން ކުރުން. އެފަރާތް މިހާރު ހުރި ޔުނިޓުން ބަދަލުވެސް ކުރުން. މިކަހަލަ ބައިވަރު ކަންކަން ހުރޭ. އަދި އަޅުގަޑުމެން އެ ޕްރޮސީޖަރަލީ ރަނގަޅުކުރަންޖެހޭ ކަންކަންވެސް ހުރޭ.

އިހްސާން

”އެހެންވީމާ ދެންނެވި ހާދިސާގެ، އެ އަޅަންޖެހޭ ފިޔަވަޅުތައް މިހާރުވަނީ އަޅާ ނިމިފައި. ސްޕެސިފިކަލީ ކޮންބޭފުޅަކާމެދު ކޮން ފިޔަވަޅެއްތޯ އެ އަޅުގަނޑުމެން ޖެހޭނީ ލިޔުމަކުން ހާމަކޮށްލަން.“ އިހްސާން އިތުރަށް ވިދާޅުވިއެވެ.

ޔުމްނު ވެއްޓުނު ހާދިސާއާ ގުޅޭ ގޮތުން ރިޔާސީ ކޮމިޝަންގެ ރިޕޯޓްގައި ބުނެފައި ވަނީ އެ ހާދިސާ ހިނގީ ހ. ފެންޓެނޯއީ ނުވަވަނަ ފަންގިފިލާގެ ސިޑިގޮޅީގައިވާ ކުޑަދޮރުން ނުވަތަ އެ ގޭގެ ޓެރަހުން ޔުމްނު ވައްޓާލުން ނުވަތަ ފުންމާލުން ނުވަތަ ވެއްޓުމުން ކަމަށް ކޮމިޝަނަށް ބުރަވެވޭ ކަމަށެވެ. އަދި އެ ހާދިސާ ހިނގި ތަނުގައި ރައުދު އަހްމަދުގެ އިތުރުން އެހެން މީހަކު އެތަނުގައި ހުރިކަން އެނގެން ނެތުމުން އެކަމުގައި ރައުދު ފިޔަވާ އެހެން މީހެއްގެ ބައިވެރިވުމެއް އަމަލީ ގޮތުން އޮވެދާނެ ކަމަށް ކޮމިޝަނަށް ނުފެންނަ ކަމަށް ވެސް ވަނީ ބުނެފަ އެވެ.

ރިޕޯޓްގައި ބުނެފައި ވަނީ އެ ހާދިސާ ހިނގީ ހ. ފެންޓެނޯއީ ނުވަވަނަ ފަންގިފިލާގެ ސިޑިގޮޅީގައިވާ ކުޑަދޮރުން ނުވަތަ އެ ގޭގެ ޓެރަހުން ޔުމްނު ވައްޓާލުން ނުވަތަ ފުންމާލުން ނުވަތަ ވެއްޓުމުން ކަމަށް ކޮމިޝަނަށް ބުރަވެވޭ ކަމަށެވެ. އަދި އެ ހާދިސާ ހިނގި ތަނުގައި ރައުދު އަހްމަދުގެ އިތުރުން އެހެން މީހަކު އެތަނުގައި ހުރިކަން އެނގެން ނެތުމުން އެކަމުގައި ރައުދު ފިޔަވާ އެހެން މީހެއްގެ ބައިވެރިވުމެއް އަމަލީ ގޮތުން އޮވެދާނެ ކަމަށް ކޮމިޝަނަށް ނުފެންނަ ކަމަށް ވެސް ވަނީ ބުނެފަ އެވެ.

މީގެ އިތުރުން ޔުމްނު ހ. މިޓާޒް ފުރާޅުމަތީގައި ޖެހުމާ ގުޅިގެން ނޫން ގޮތަކަށް އެހެން އަނިޔާއެއް އޭނާއަށް ލިބިފައިނުވާ ކަމަށާ އަދި މީހަކު ގަދަކަމުން ވައްޓާލުމަށް މަސައްކަތް ކުރުމުގެ އެއްވެސް ނިޝާނެއް ޔުމްނުގެ ހަށިގަނޑުން ފެންނަން އޮތްކަން މެޑިކަލް ރިކޯޑްތަކާއި ހެކީންގެ ހެކިބަހުން އެނގެން ނެތް ކަމަށެވެ.