އާސަންދައިގެ ކައުންޓަރުތައް އިތުރު 8 ރަށެއްގައި ގާއިމްކޮށްފި

އާސަންދައިން ދެމުން އަންނަ ހިދުމަތްތައް ފުޅާކުރުމުގެ ގޮތުން އިތުރު ރަށްތަކެއްގައި އާސަންދައިގެ ކައުންޓަރުތައް ހުޅުވައިފިއެވެ.

މިކަމާ ގުޅިގެން އާސަންދައިން ބުނީ، ރައްޔިތުންނަށް އާސަންދައިގެ ހިދުމަތް ފޯރުކޮށްދިނުމުގެ ގޮތުން އިތުރު 8 އަތޮޅެއްގައި އާސަންދައިގެ ކައުންޓަރުތައް ހުޅުވައި ހިދުމަތްދޭން ފަށާފައިވާކަމަށެވެ. އާސަންދަ ކުންފުނިން މިފަހަރު ވަނީ ރ އަތޮޅުން ފެށިގެން ފުވައްމުލައް ސިޓީ އާ ދެމެދުގެ ގިނަ އަތޮޅުތަކެއްގައި ކައުންޓަރުތައް ގާއިމްކޮށްފައެވެ.

އާސަންދައިން ކައުންތަރުތައް ގާއިމްކުރި އަތޮޅާއި ރަށްތައް:

ރ.އުނގޫފާރު

ބ.އޭދަފުށި

ޅ.ނައިފަރު

އދ.މަހިބަދޫ

ދ.ކުޑަހުވަދޫ

ލ.ގަން

ގދ.ތިނަދޫ

ޏ.ފުވައްމުލައް

މީގެ ކުރިން އާސަންދައިގެ ކައުންޓަރުތައް ގާއިމްކޮށް ހިދުމަތްދެމުން އައިސްފައިވަނީ މާލެސިޓީގެ އިތުރުން ހުޅުމާލެ، ފ.ނިލަންދޫ، އައްޑޫސިޓީގެ އިތުރުން ކުޅުދުއްފުށީގައެވެ.

އާސަންދައިްނ ބުނީ އަލަށް 8 އަތޮޅެއްގައި އާސަންދައިގެ ކައުންޓަރުތައް ގާއިމްކުރުމާއެކު ބޭސްފަރުވާގެ އެހީއަށް އެދުމާއި ކުންފުންޏާ ގުޅޭ އެހެނިހެން އިދާރީ ކަންކަން ކުރިއަށްގެންދިއުމުގައި ރައްޔިތުންނަށް ވަރަށްބޮޑު ލުއި ފަސޭހަކަމެއް ލިބިގެންދާނޭކަމަށެވެ.

އާސަންދައަކީ ދައުލަތުގެ ބައިތުލްމާލުން އެންމެބޮޑު ހޭދައެއް ކުރަމުންގެންދާ އެއް ދާއިރާއެވެ.