މާލީ ބާރު ހިނގާނޭ ނިޒާމެއް އޮތުމުން އިދާރީ ގޮންޖެހުންތަކުން އަރައިގަނެވި އަދުލުއިންސާފް އަވަސްވެގެންދާނެ: ޑީޖޭއޭ
ލިޔުންތެރިޔާ
އަބްދުﷲ ހުސައިން
ޝަރުޢީ ދާއިރާގެ ފުރިހަމަ މާލީ ބާރު ހިނގާނޭ ނިޒާމެއްގެ ތެެރެއިން ހަރަދުތައް ކުރެވޭގޮތަށް އޮތުމުން، މިހާރު ކުރިމަތިވެފައި ގޮންޖެހުންތަކުން އަރައިގަނެވި އަދުލުއިންސާފް ގާއިމްކުރުމަށް އަވަސްވެގެންދާނޭކަމަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަނުން ބުނެފިއެވެ.
ދައުލަތުގެ އާމްދަނީން ވަކި އިންސައްތައެއް، ޖުޑީޝަރީއަށް ބްލޮކް ގްރާންޓުގެ ގޮތުގައި ކަނޑައަޅުމަށް އަންނަ އަހަރުގެ ބަޖެޓުގައި ހިމެނުމަށް ސަރުކާރުން ވަނީ ނިންމައި އެކަން އިއުލާނުކޮށްފައެވެ
ދައުލަތުގެ އާމްދަނީން ވަކި އިންސައްތައެއް ޝަރުޢީ ދާއިރާއަށް ކަނޑައަޅައި އެ ފައިސާ ކަނޑައެޅޭ ވަކި އުސޫލެއްގެ ދަށުން ބްލޮކް ގްރާންޓެއްގެ ގޮތުގައި ދޫކޮށް، ޝަރުޢީ ދާއިރާގެ ފުރިހަމަ މާލީ ބާރު ހިނގާނެ ނިޒާމެއްގެ ތެރެއިން ހަރަދުކުރުމުގެ ފުރިހަމަ މިނިވަންކަން ދީ، ބަޖެޓުން ޝަރުއީ ދާއިރާއަށް މިހާރު ކަނޑައެޅިފައިވާ ބަޖެޓަށްވުރެ ބޮޑު އަދަދެއް ލިބޭގޮތަށް ސަރުކާރުން ހަމަޖެއްސުމުން ޑީޖޭއޭއިން ވަނީ އެކަން ފާހަގަކޮށް ޝުކުރު އަދާކޮށްފައެވެ.
ޑީޖޭއޭއިން ބުނީ މިއީ ޝަރުއީ ދާއިރާގެ ކުރިމަގަށް ލިބޭނޭ ވަރަށްބޮޑު ކާމިޔާބެއްކަމަށެވެ. މިކަމުގެ ސަބަބުން އަވަސްކަމާއި ހަލުވިކަމާއެކު އަދުލު އިންސާފު ފޯރުކޮށްދިނުމަށްޓަކައި ކޯޓުތަކަށް އިދާރީގޮތުން ދިމާވާ ގޮންޖެހުންތަކަށް ބޮޑު ލުޔެއް ލިބިގެންދާނޭކަން ވަނީ ފާހަގަކޮށްފައވެެ.
ކޯޓުތަކުގެ ޖާގަ ކުޑަވެ، އިދާރީ ގޮތުން ކުރިމަތިވާ ގޮންޖެހުންތަކުގެ ސަބަބުން ކޯޓުތަކުން އަވަހަށް ނިޔާ ކަނޑައެޅުމުގައި ވަރަށްގިނަ ދުވަސްތައް ވާކަން އެ އިދާރާއިން އަބަދުވެސް ފާހަގަކުރެއެވެ. މީގެ އިތުރުން ކޯޓުތަކުން މައްސަލަތައް ބެލުން ލަސްވުމަކީ ރައްޔިތުންގެވެސް ވަރަށްބޮޑު ކަންބޮޑުވުން އޮންނަ ކަމެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
