އިންޑިއާގެ 400 މިލިއަން ޑޮލަރުގެ ލޯނު ދައްކައިފި، 30 ބިލިއަން ރުޕީސްގެ ލޯނެއް ދެނީ
އިންޑިއާގެ ރިޒާވް ބޭންކާއެކު ރާއްޖޭގެ މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ވެފައިވާ އެއްބަސްވުމުގެ ދަށުން ނަގާފައިވާ 400 މިލިއަން އެމެރިކާ ޑޮލަރުގެ ކަރަންސީ ސްވޮޕް ފެސިލިޓީ ދައްކައި މިއަދު ހަލާސްކޮށްފި އެވެ.
އެކަން ފޮރިން މިނިސްޓްރީން ވަނީ ހާމަކޮށްފަ އެވެ. އެ މިނިސްޓްރީން ބުނީ އިންޑިއާގެ ރިޒާވް ބޭންކާއެކު އެމްއެމްއޭ އިން ވެފައިވާ އެއްބަސްވުމުގެ ދަށުން ނަގާފައިވާ 400 މިލިއަން އެމެރިކާ ޑޮލަރުގެ ކަރަންސީ ސްވޮޕް ދައްކާ ހަލާސް ކޮށްފައިވާ ކަމަށެވެ.
އެކަން އިންޑިއާގެ ނޫސްތަކުން ވެސް ވަނީ ރިޕޯޓްކޮށްފަ އެވެ. ސަރުކާރުން ބުނީ މިކަމުން ދިވެހި އިގްތިސާދު ރަނގަޅުވެ މާލީ ހާލަތުގެ ދުޅަހެޔޮކަން ޔަގީންކޮށްދޭ ކަމަށެވެ.
މި ލޯނު ދެއްކުމާއެކު އިންޑިއާ އިން ވަނީ އިތުރު ލޯނެއް ދޫކުރަން ނިންމާ އެކަން އިއުލާނު ކޮށްފަ އެވެ. އެގޮތުން އަލަަށް ދޫކުރަން ނިންމީ 30 ބިލިއަން ރޫޕީސްގެ ކަރަންސީ ސްވޮޕެއް ދިނުމަށް ވަނީ ނިންމާފަ އެވެ.
އެ ލޯނާއި ގުޅޭގޮތުން ރާއްޖޭގައި ހުންނަ އިންޑިއާގެ ހައިކޮމިޝަނުން ބުނީ އަލަަށް ދޫކުރަން ނިންމި 30 ބިލިއަން ރުޕީސްގެ ކަރަންސީ ސްވޮޕްގައި ގިނަ ލުއިތަކެއް ހިމެނޭނެ ކަމަށެވެ.
ފޮރިން މިނިސްޓްރީން ވަނީ އިންޑިއާގެ މި ނިންމުމަށް ޝުކުރު އަދާކޮށްފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
