ޓްރަމްޕްގެ ސަރުކާރާއި ދެކޮޅަށް ކެލިފޯނިޔާއިން ދަޢުވާކުރަނީ

ކެލިފޯނިޔާއިން ޓްރަމްޕްގެ ސަރުކާރާއި ދެކޮޅަށް ދަޢުވާ ކުރުމަށް ނިންމާފިއެވެ.

ކެލިފޯނިޔާއިން ޓްރަމްޕްގެ ސަރުކާރާއި ދެކޮޅަށް ދަޢުވާ ކުރަން ނިންމާފައި މިވަނީ ޓްރަމްޕްގެ ސަރުކާރުން، އެމެރިކާގައި ދިރިއުޅެމުންދާ އެހެން ޤައުމުތަކުގެ ރައްޔިތުން ޑީޕޯޓް ކުރަމުންދާތީ އެކަމާއި ދެކޮޅަށް އެތަކެއް ބަޔަކު އެމެރިކާގެ ލޮސްއެންޖެލެސްގެ މަގުތަކަށް ނިކުމެ މުޒާހަރާ ކުރަންފެށުމުން އެސަރަހައްދަށް ހަތިޔާރުއެޅި ސިފައިން ފޮނުވުމުގެ ސަބަބުންނެވެ.

މި އެއްވުމުގައި 60 އަށް ވުރެ ގިނަ މީހުން ވަނީ ހައްޔަރުކޮށްފައެވެ.

ލޮސް އެންޖެލެސްގެ މަގުތަކަށް މީހުން އެއްވާން ޖެހުނު މައިގަނޑު ސަބަބަކީ ޓްރަމްޕްގެ ސަރުކާރުން އެމެރިކާގައި ދިރިއުޅޭ 12 ޤައުމެއްގެ ރައްޔިތުން ޑީޕޯޓްކޮށް އެ 12 ޤައުމުގެ ރައްޔިތުން އެމެރިކާއަށް ނުވަދެވޭނޭހެން އެޤައުމުގެ ޤާނޫނު ބަދަލު ކުރުމާއި ގުޅިގެންނެވެ.

އެމެރިކާއަށް ދަތުރު ނުކުރެވޭނެކަމަށް ޓްރަމްޕްގެ ސަރުކާރުން ކަނޑައަޅާފައިވާ ޤައުުމުތަކަކީ:

- އަފްޢާނިސްޠާން

- މިޔަންމާ

- ޗާޑު

- ރިޕަބްލިކް އޮފް ކޮންގޯ

- އެކުއަޓޯރިއަލް ގީނިޔާ

- އެރިތުރިއާ

- ހެއިޓީ

- ލީބިޔާ

- އީރާން

- ސޯމާލިޔާ

- ސޫދާން

- ޔަމަން

ހަމަ އެއާއިއެކު މަޝްރަހު ދިރާސާކުރާ ފަރާތްތަކުން ދަނީ ޓްރަމްޕްގެ 'ޓްރެވަލް ބޭން' އިން އެދެވޭ ނަތީޖާއެއް ނިކުންނާނޭކަމާއިމެދު ސުވާލު އުފައްދާފައެވެ.

ޓްރަމްޕްގެ މި ފިޔަވަޅުތަކުގެ ސަބަބުން އެތަކެއް ނޭދެވޭ ނަތީޖާތަކެއް ނިކުންނާނެ ކަމަށް އެތަކެއް ބަޔަކު ދަނީ ބުނަމުންނެވެ. އެގޮތުން އެމެރިކާގައި ތަޢުލީމު ހާސިލްކުރަމުންއަންނަ އެތަކެއް ދަރިވަރުންނަށް އެކަމުގެ ސަބަބުން އެތަކެއް ގެއްލުމެއް ލިބުމުގެ ފުރުސަތު ބޮޑުކަމަށް މަޝްރަހު ދިރާސާކުރާ ފަރާތްތަކުން ދަނީ ބުނަމުންނެވެ.

އަދިހަމަ އެހެންމެ، އެތަކެއް އާއިލާތަކެއް ރޫޅުމުގެ ފުރުސަތު ބޮޑުކަމަށްވެސް ކަމާއި ގުޅުން ހުރި ފަރާތްތަކުން ދަނީ ބުނަމުންނެވެ. ކުރިޔަށް އޮތްތަނުގައި އިތުރު ޤައުމުތަކުން އެމެރިކާއަށް ދަތުރު ނުކުރެވޭނެ ގޮތަށް ޓްރަމްޕްގެ ސަރުކާރުން އެޤައުމުގެ ޤާނޫނު ބަދަލުކުރުމަކީ އެކަށީގެންވާ ކަމެކެވެ.

މިއީ ޓްރަމްޕް ފުރުތަމަ ފަހަރަށް ނިންމި ނިންމުމެއް ނޫންކަން ފާހަގަކޮށްލަންޖެހެއެވެ. އެގޮތުން 2017 ވަނަ އަހަރު އޭނާގެ ފުރުތަމަ ދައުރުގައި އޭނާ ވަނީ މުސްލިމް މެޖޯރިޓީ ޤައުމުތަކުން އެމެރިކާއަށް ދަތުރު ނުކުރެވޭނޭހެން އެޤައުމުގެ ޤާނޫނު އޭރު ބަދަލުކޮށްފައެވެ.