އީދު ފާހަގަކުރަން މިލަންދޫ ކައުންސިލުން 321،000ރ، މާލި ނެރެ ދަފިނަގަން ލައްކައެއް

މި އަހަރުގެ ބޮޑު އީދު ފާހަގަކުރަން މިލަންދޫ ކައުންސިލުން 321,000 ވުރެ ގިނަ ރުފިޔާ ހަރަދުކޮށްފައިވާ ކަމަށް އެ ކައުންސިލުން ބުނެފި އެވެ.

މިލަންދޫ ކައުންސިލުން ވަނީ މި އަހަރުގެ ބޮޑު އީދު ފާހަގަކުުމަށް ކޮންޓްރެކްޓް އުސޫލުން ހިންގި ހަރަކާތްތަކަށް ހިނގި ހަރަދުތައް ހާމަކޮށްފަ އެވެ. އެގޮތުން ކޯޑި ނެރުމާއި މާލި ނެށުމަށް 34,499 ރުފިޔާ ވަނީ ހަރަދުކޮށްފަ އެވެ. އެކަން ހަވާލުކުރީ އާރޯ ކިޔާ ގުރޫޕަކަށެވެ.

ދަފިނެގުމުގެ ހަރަކާތަށް 49,451 ރުފިޔާ ހަރަދުކޮށްފައިވެ އެވެ. އެކަން ވެސް ހަވާލުކުރީ އާރޯއާ އެވެ.

ވާދެމުމުގެ މުބާރާތް ބާއްވަން 44,500 ރުފިޔާ ހަރަދުކުރި އެވެ. އެ މުބާރާތް ކަންކަން ހަވާލުކުރީ ހިސް ސްޓާ އިންވެސްޓްމަންޓާ އެވެ.

ޑީސްޓިންގްންސްޑް ސްޕޯޓްސް ގަބީލާއާ ހަވާލުކޮށްގެން ބޭއްވި އާއިލީ ހަވީރަށް 179,990 ރުފިޔާ ހަރަދުކުރި ކަމަށް ވެސް ބުންޏެވެ. އަދި ޑިވޯފް ކިޔާ ބަޔަކަށް ގްރެސް ޑިޒައިންގެ މަސައްކަތަށް 13,500 ރުފިޔާ ހަރަދުކުރި ކަމަށް ވަނީ ބުނެފަ އެވެ.

އެހެން ކަމުން ބޮޑު އީދު ފާހަގަކުރުމަށް މިލަންދޫ ކައުންސިލުން ވަނީ 321,940 ރުފިޔާ ހަރަދުކޮށްފަ އެވެ.

ބައެއް ކައުންސިލުން މި ފަހަރު ވަނީ ނަށާ ގުރޫޕްތަކާއި ބޮޑުބެރު ގުރޫޕްތައް އަދި މިއުޒިކު ބޭންޑްތައް ގެންނަން ވަރަށް ބޮޑު ހަރަދެއް ކޮށްފަ އެވެ. އަދި މާލި ނެރުމާއި ކުލަ ޖެހުމާއި އެ ނޫންވެސް އީދު ދުވަހާއި ނުގުޅޭ އެތައް ކަމެއް ކުރުމަށް ބޮޑު ހަރަދެއް ކޮށްފަ އެވެ.