ރ.އަތޮޅު ކައުންސިލުން ކުރިއަށްގެންދިޔަ ލައިސަންސް ނެގުމުގެ ޕްރޮގްރާމުގެ ތެރެއިން...
ރ.އަތޮޅު ކައުންސިލުން ކުރިއަށްގެންދިޔަ ލައިސަންސް ނެގުމުގެ ޕްރޮގްރާމުގެ ތެރެއިން...
ހަބަރު 10 Aug 2024 | 21:26

ރ.އަތޮޅު ކައުންސިލުން ހަފްތާ ބަންދުގައި ކުރިއަށްގެންދިޔަ ލައިސަންސް ދޫކުރުމުގެ ޕްރޮގްރާމުގައި ގިނަ ބަޔަކު ބައިވެރިވެއްޖެ

ރ.އަތޮޅު ކައުންސިލުން އިސްނަގައިގެން މި ހަފްތާ ބަންދުގައި ކުރިއަށްގެންދިޔަ އެއްގަމު އުޅަނދު ދުއްވުމުގެ ލައިސަންސް ދޫކުރުމުގެ ޕްރޮގްރާމަށް ރައްޔިތުންގެ ފަރާތުން ބޮޑު ތަރުހީބެއް ލިބިއްޖެއެވެ.

އޭ ޒޯނުގެ ލައިސަންސް ދޫކުރުން އަތޮޅު ކައުންސިލްތަކަށް ލިބިދީފައިވާއިރު، ރ.އަތޮޅު ކައުންސިލުން ލައިސަންސް ނެގުމުގެ މި ޕްރޮގްރާމް ކުރިއަށްގެންގޮސްފައިވަނީ އިއްޔެ އާއި މިއަދު ރ.އަތޮޅުގެ ވެރިކަންކުރާރަށް އުނގޫފާރުގައެވެ.

ރ.އަތޮޅު ކައުންސިލުން ކުރިއަށްގެންދިޔަ މި ޕްރޮގްރާމާ ގުޅޭގޮތުން ވޮއިސް އާ ވާހަކަދައްކަވަމުން ކައުންސިލްގެ ރައީސް، ހުސެއިން ނާސިފް ވިދާޅުވީ، ހަފްތާ ބަންދުގައި ކުރިއަށްގެންދިޔަ މިކަމަށް ރައްޔިތުންގެ ފަރާތުން ވަރަށްބޮޑު ތަރުހީބެއް ލިބިފައިވާކަމަށެވެ. މިގޮތުން މިއަދު ނިމިގެންދިޔަ ލައިސެންސް ނެގުމަށް ގިނައިން ހާޒިރުވެފައިވަނީ އަންހެނުންކަން ނާސިފް ފާހަގަކުރެއްވިއެވެ.

ވީހާވެސް ލުއި ފަސޭހަވާނޭ ގޮތަކަށް ރައްޔިތުންނާއި ގާތުން ޚިދުމަތްތައް ފޯރުކޮށްދިނުމުގެ ގޮތުން ހަފްތާބަންދުގައި ލައިސަންސްގެ ޚިދުމަތަށް ހުޅުވާލުމުން އަތޮޅުގެ ގިނަ ރައްޔިތުން ހެޔޮ ގޮތުގައި ފުރުސަތުގެ ބޭނުން ހިފިކަމީ އަޅުގަނޑުމެން ނުހަނު އުފާކުރާކަމެއް

ރ.އަތޮޅު ކައުންސިލްގެ ރައީސް ހުސެއިން ނާސިފް ވިދާޅުވިއެވެ.

ލައިސަންސް ދޫކުރުމުގެ އުސޫލަށް މިފަހުން އައިސްފައިވާ ބަދަލަށް ބަލާއިރު، މިހާރު އޭޒޯން ލައިސަންސް ދޫކުރާނީ ހަމައެކަނި އަތޮޅު ކައުންސިލްތަކުންނެވެ. ނާސިފް ވިދާޅުވީ މިފަދަ ޕްރޮގްރާމެއް ކުރިއަށްގެންދިއުމަށް ނިންމި މައިގަނޑު ސަބަބަކީ، ސީ ޒޯން ލައިސަންސް ގެންގުޅޭ ފަރާތްތަކަށް ލުއި ފަސޭހަ ގޮތެއްގައި އޭ ޒޯން ލައިސަންސް ނެގޭނޭ އިންތިޒާމެއް ހަމަޖައްސައިދިނުން ކަމަށެވެ. މީގެ އިތުރުން ރަސްމީ ދުވަސްތަކުގައި އެކަނި ލައިންސް ޚިދުމަތް ދިނުމުން ސަރުކާރު މުވައްޒަފުންނަށް އެކަމުގައި ކުރިމަތިވާ ދަތިތަކަށް ލުއި ފަސޭހަ ގޮތެއް ހޯދައިދިނުންވެސް މީގެ ތެރޭގައި ހިމެނޭކަމަށް ނާސިފް ވިދާޅުވިއެވެ.

މިހާރުވެސް އިތުރު ދުވަސްތަކުގައި މި ޕްރޮގްރާމް ބާއްވައިދިނުމަށް ރައްޔިތުންގެ ފަރާތުން އެދެމުންދާކަމަށާއި، ރ.އަތޮޅު ކައުންސިލްގެ ވިސްނުމަކީ ރައްޔިތުން އެދޭގޮތަށް ރައްޔިތުންނަށް ލުއިފަސޭހަވާނޭ ފަދަ ގޮތަކަށް މިފަދަ ކަންކަމުގެ އިންތިޒާމުތައް ހަމަޖައްސައި ދިނުންކަމަށްވެސް ނާސިފް ފާހަގަކުރެއްވިއެވެ.

ރ. އަތޮޅަކީ އާބާދީ ބޮޑު، ރާއްޖޭގެ ނިސްބަތުން އާބާދީގެ ތިންވަނަ އަތޮޅެވެ. މި އަތޮޅުގައި މީހުން ދިރިއުޅޭ 15 ރަށް އޮންނައިރު، އެންމެ ފަހުގެ ބޯހިމެނުމުގެ ތަފާސްހިސާބުތައް ދައްކާގޮތުން  އެ ރަށްތަކުގައި 17،565 މީހުން ދިރިއުޅެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

އެކްސްރޭ މެޝިން ހަލާކުވެ، އެ ޚިދުމަތް ހަމައެކަނި ކުއްލި ޙާލަތްތަކަށް - އުނގޫފާރު ހޮސްޕިޓަލް
20 Oct 2026 ހަބަރު

އެކްސްރޭ މެޝިން ހަލާކުވެ، އެ ޚިދުމަތް ހަމައެކަނި ކުއްލި ޙާލަތްތަކަށް - އުނގޫފާރު ހޮސްޕިޓަލް

ރ. އުނގޫފާރު ރީޖަނަލް ހޮސްޕިޓަލުގެ މައި އެކްސްރޭ މެޝިން ހަލާކުވެ، އާންމުކޮށް އެކްސްރޭގެ ޚިދުމަތް މެދުކެނޑިފައި އޮންނަތާ މަހަކަށްވުރެ ގިނަ ދުވަސް ވުމުގެ ސަބަބުން، އެ ހޮސްޕިޓަލުން ޚިދުމަތް ހޯދާ ގިނަ އަދަދެއްގެ ރައްޔިތުންނަށް ބޮޑެތި ދަތިތަކަކާ ކުރިމަތިލާން ޖެހިއްޖެއެވެ.