އިމްރާން ޚާންގެ ޙާލު ގޯސްވެ، ޑޮކްޓަރުން އޭނާ އަރިހަށް ގޮސްފި
ލިޔުންތެރިޔާ
ސްޓާފް ރައިޓަރ
ޖަލުގައި ބަންދުކޮށްފައި ހުރި ޕާކިސްތާނުގެ ކުރީގެ ބޮޑުވަޒީރު އިމްރާން ޚާންގެ ޙާލަތު ގޯސްވެ، އޭނާގެ ޙާލަތު ބެލުމަށް ޑޮކްޓަރުންގެ ޓީމެއް ގޮސްފިއެވެ.
އިމްރާން ޚާންގެ ޙާލަތު ގޯސްކަމަށް ބުނެ އަޑުފަތުރަން ފެށީ އޭނާ ނިސްބަތްވާ ތެހެރިކޭ އިންސާފް ޕާޓީ އިންނެވެ. އިމްރާން ޚާންގެ ހާލު ބަލައި، މެޑިކަލް ޗެކަޕެއް ހެދުމަށް ދިޔައީ ޕާކިސްތާން އިންސްޓިޓިއުޓް އޮފް މެޑިކަލް ސައިންސަސްގެ 4 ޑޮކްޓަރުންގެ ޓީމަކުންނެވެ. އެ ޓީމުން އިމްރާންއާއެކު ބައިގަޑިއިރު ހޭދިވިކަމަށް ޕާކިސްތާނުގެ ޑޯން ނިއުސް އިން ރިޕޯޓްކޮށްފައިވެއެވެ.
ތެހެރިކޭ އިންސާފުން ތުހުމަތުކުރާ ގޮތުގައި އިމްރާން ޚާން ހުންނެވީ އެކަހެރިކޮށް ބަންދުކޮށްފައެވެ. އަދި ޖަލުން އޭނާއަށް ލިބެންޖެހޭ ފަރުވާ ނުލިބޭކަމަށާއި، އާއިލާއާ ބައްދަލުކުރުމަށްވެސް ހުރަސް އަޅާކަމަށް އެޕާޓީއިން ތުހުމަތުކުރެއެވެ. އަދި އާއިލީ ޑޮކްޓަރަށްވެސް އިމްރާން ޚާނަށް ޒިޔާރަތްކުރަން ފުރުސަތު ނުދިންކަމަށް ޕާޓީއިން ތުހުމަތުކުރެއެވެ.
2023 ވަނަ އަހަރު އޮގަސްޓް މަހުން ފެށިގެން އިމްރާން ޚާން ބަންދުކޮށްފައި ހުންނަވަނީ އަދިއާލާ ޖަލުގައެވެ. އެހެން ޖަލަކަށް އޭނާ ބަދަލުކުރާ ވާހަކައިގެ އަޑުތަކެއް ދޭތެރެދޭތެރެއިން އިވުނުނަމަވެސް، އަދި ބަދަލުކޮށްފައެއް ނުވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
