ހެދުން އެޅުމުގެ ގަވާއިދު އިސްލާހުކުރުން: ދުންޔާއަށް އެކަންވީ ބިރުދެއްކުމަކަށް
ސިވިލް ސާވިސް މުވައްޒަފުންގެ ހެދުން އެޅުމުގެ ގަވާއިދަށް ގެނައި ހެޔޮ ބަދަލާއި ދެކޮޅަށް ކުރީގެ ފޮރިން މިނިސްޓަރު ދުންޔާ މައުމޫން ވާހަކަ ދައްކާ އެ އުސޫލާއި ދެކޮޅަށް އަޑުއުފުލަން ގޮވާލައިފި އެވެ.
އަންހެނުންގެ ހައްގުތަކަށް ވަކާލާތު ކުރާ ކަމަށް ބުނާ ބައެއް އަންހެނުން ވަރަށް ދެކޮޅު މި ބަދަލާއި ގުޅޭގޮތުން އެކްްސްގައި ކުރި ޕޯސްޓެއްގައި ދުންޔާ ވަނީ މިއީ ހަރުކަށި ކަމެއް ކަމަށް ސިފަކޮށްފަ އެވެ. އުސޫލު ހަރުކަށި ކުރީ ކަމަށް ވިދާޅުވެ އެކަން ބަލައިނުގަނެވޭނެ ކަމަށްވެސް އޭނާ ވިދާޅުވި އެވެ.
އޭނާ ސިފަކުރި ގޮތުގައި މި ބަދަލު ގެނައީ އަންހެނުންނަށް ބިރު ދައްކާ ބާރުފޯރުވާށެވެ. އަދި އެ ނޫންވެސް އަސްލެއް ނެތް ހިޔާލީ އެތައް ތުހުމަތުތަކެއް ވަނީ ކޮށްފަ އެވެ. އެގޮތުން މި ބަދަލާއެކު ވަޒީފާގެ މާހައުލުން އަންހެނުން އެކަހެރި ވާނެ ކަމަށް އޭނާ ވަނީ ވިދާޅުވެފަ އެވެ.
މީގެ އިތުރުން މިއީ ގާނޫނު އަސާސީން ކަށަވަރުކޮށްދީފައިވާ ހައްގުތަކަށް ހުރަސް އެޅުމެއް ކަމެއް ސިފަކޮށް އިސްލާމްދީނުގައި އަންހެނާ ނިވާވުމަށް އަންގަވާފައިވާ ބަސްފުޅަށް ވަނީ ގޮންޖަހާފަ އެވެ. އަދި މި ނިންމުމާއި ދެކޮޅަށް އަޑުއުފުލަން ޖެހޭ ކަމަށް ކުރީން ފޮރިން މިނިސްޓަރުކަން ވެސް ކޮށްފައިވާ ދުންޔާ ވިދާޅުވި އެވެ.
ސިވިލް ސާވިސް މުވައްޒަފުންގެ ހެދުން އެޅުމުގެ ގަވާއިދަށް ގެނައި ބަދަލަށް އެތައް ބަޔަކު ދަނީ ތައުރީފު ކުރަމުންނެވެ. އެ ބަދަލާއި މެދު މުވައްޒިފުން ކަންބޮޑުވުމެއް ނެތް އިރު އަންހެނުންގެ ހައްގުތަކަށް ވަކާލާތު ކުރާ ކަމަށް ބުނާ މަދު ބަޔަކު ދަނީ ހަގީގަތް އޮޅޭގޮތަށް ވާހަކަ ދައްކަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
