ހުރިހާ އުމްރާވެރީންގެ ހާލު ރަނގަޅު، ނުރައްކަލެއް ނެތް: ވަޒީރު ޝަހީމް
މައްކާގައި މިވަގުތު ތިބި ދިވެހި ހުރިހާ އުމްރާވެރީންގެ ހާލު ވެސް ރަނގަޅު ކަމަށާ ނުރައްކަލެއް ނެތް ކަމަށް ކަމަށް އިސްލާމީ ކަންތައްތަކާއި ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ޝަހީމް މިހެން ވިދާޅުވީ ހޫތީންގެ ހަމަލާތަކެއް އަމާޒުވެދާނެ ކަމަށް ބެލެވިގެން މައްކާއާ މަދީނާ އަދި ޖިއްދާ ހިމެނޭހެން ގިނަ ސަރަހައްދުތަކަށް ނުރައްކަލުގެ އިންޒާރު ނެރުމާއި ގުޅިގެންނެވެ.
ސުކޫލުގެ މިޑްޓާމް ބަންދާއި ދިމާކޮށް ގިނަ ބަޔަކު އުމްރާގެ އަޅުކަމަށް ވަނީ ގޮސްފަ އެވެ.
އިންޒާރު ނެރުމާއި ގުޅިގެން ޝަހީމް ވިދާޅުވީ މައްކާގައި ތިބި ހުރިހާ ދިވެހީންގެ ހާލު ވެސް ރަނގަޅު ކަމަށެވެ. އަދި އުމްރާވެރީންނަށް އެއްވެސް ނުރައްކަލެއް ނެތް ކަމަށެވެ.
މިއީ މެދުއިރުމަތީގައި މިހާރު ފެށިފައިވާ ހަނގުރާމައާ ގުޅިގެން މާތްވެގެންވާ މައްކާ އާއި މަދީނާއަށް ހަމަލާއެއް އިންޒާރު ނެރުނު ފުރަތަމަ ފަހަރެވެ.
ހޫތީންގެ ހަމަލާތަކެއްގައި ސައުދީގެ 13 މީހަކު ވަނީ ޒަހަމުވެފަ އެވެ. އެ މީހުންނަށް ލިބުނީ ކުދިކުދި ޒަހަމްތަކެއް ކަމަށާ ހޫތީންގެ ހަމަލާތަކުގައި ބައެއް އިމާރަތްތަކާއި ވެހިކަލްތަކަށް ވެސް ގެއްލުންވި ކަމަށް ސައުދީ ސަރުކާރުން ބުނެ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
