ރިސޯޓް ހަދަން ރަށެއް ދިނަސް އެ ސަރަހައްދުގެ ފަޅުތަކާއި ރަށްތައް އެމީހުންނަށް ދިނުން ހަމައެއްނުޖެހޭ: ޝެއިޚް ސަމީރު
ލިޔުންތެރިޔާ
ޚަދީޖާ އަރުފާ
ރިސޯޓްތަކާއި ގެސްޓްހައުސްތައް ހަދަން ހުއްދަ ދިން ނަމަވެސް އެތަންތަން ހަދާ ސަރަހައްދުގައި ހުންނަ ހުރިހާ ފަޅުތަކާއި ރަށްތައް ފަތުރުވެރިނަން ދިނުމަކީ ހަމަޖެހޭ ކަމެއް ނޫން ކަމަށް ދީނީ ޢިލްމު ވެރިޔާ އައްޝައިޚް އަހުމަދު ސަމީރު ވިދާޅުވެއްޖެއެވެ.
ރާއްޖޭގެ ރީތި ފަޅުރަށަކަށް ދަތުރުވަޑައިގެން، އެރަށުގެ ރީތި ގޮނޑުދޮށް ފެންނަ ވީޑިއޯއެއް މީސްމީޑިއާގައި އާއްމު ކުރައްވަމުން ޝެއިޚް ވިދާޅުވީ، އެފަދަ ގޮނޑުދޮށްތައް ރީތި ރަށްތައް ރާއްޖޭގައި ވަރަށް ގިނަ ކަމަށެވެ.
އެހެން ނަމަވެސް އަޅުގަނޑު މިރަށަށް އައިސް ހިތަށް އެރި، މާދަމާ މިރަށަށް ނުވަތަ އަންނަ އަހަރު މިޔަނި ތަނަކަށް އަންނައިރު އޮންނާނީ ގެސްޓުންނަށް ނޫނީ ރިސޯޓެއް ހަދަން ދީފައޭ.
އައްޝައިޚް އަހުމަދު ސަމީރު
މިއާއެކު ޝެއިޚް ވިދާޅުވީ، ރާއްޖޭގެ ރީތި ފަޅުރަށްތަކާއި ފިނޮޅުތަކާއި ތަންތަން ރިސޯޓްތަކަށް ދީދީ ދިވެހިން އައިސް ހިތްހަމަޖައްސާލާނެ ތަންތަން ވަރަށް މަދު ކަމަށާ އެއީ ހިތާމަ ކުރައްވާ ކަންކަން ކަމަށެވެ.
އަދި އެފަދައިން ރަށްތައް ދިނުމުން، ދިވެހިން ދަތުރުގޮސް ހިތްހަމަހައްސާލަން ތިއްބައި، ފަތުރުވެރިން އެ ފަޅުރަށްތަކަށާއި ފިނޮޅުތަކަށް ގޮސް ނިވާކަން ކުޑަކޮށް އުޅޭ ކަމަށާ، އޭގެ ސަބަބުން ދިވެހިން އެ ތަންތަނުން ފައިބައިގެން ދާންޖެހޭ ކަމަށް ވިދާޅުވުއެވެ.
ގެސްޓްހައުސްތަކުން އަދި ރިސޯޓެއް ހަދަން ރަށެއް ދިނުމަކީ އެސަރަހައްދުގައި ހުންނަ ހުރިހާ ފަޅުފަޅާއި ގިރިގިރިއާއި ހާ ހަލަށް އެ ހުރިހާ ތަނެއް އެއީ އެމީހުންގެ ތަންތަން ކަމުގައި ބެލެވި އަޅުގަނޑުމެންނަށް އެތަންތަނަށް އެރުން މަނާ ކުރެވި، އަދި އަރައި ތިއްބައި، އެތަންތަނަށް ގެސްޓުން އައިސް އެމީހުން ބޭނުންހާ ގޮތަކަށް އުޅެން ދޫކޮށްލާފައި އޮތުމަކީ އަޅުގަނޑުހިތުން ހަމަޖެހޭ ކަމެއް ނޫން
އައްޝައިޚް އަހުމަދު ސަމީރު
އެހެންކަމުން، އަތޮޅު ތެރޭގައި ހުންނަ ރީތި ރަށްތަކަކީ ދިވެހިންނަށް ޚާއްސަ ރަށްތަކެއް ގޮތަށް ހެދުމަކީ ސަރުކާރު ތަކުގެ ސިޔާސަތުތަކުގައު ވެސް ހިމެނެންޖެހޭ ކަމެއް ކަމަށް ޝެއިޚް ސަމީރު ވިދާޅުވުއެވެ. އެއީ ދިވެހިންގެ ނަފްސާނީ ދުޅަހެޔޮކަމަށްވެސް މުހިންމު ކަމެއް ކަމަށް ޝެއިޚް ވިދާޅުވިއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
