ރައީސް ކަމަކީ ވަރަށް ބުރަ ކަމެއް، ދެން ކުރިމައްޗެއް ނުލާނަން: ނަޝީދު
ލިޔުންތެރިޔާ
އަހުމަދު ހަމީދު އާދަމް
ކުރިއަށް އޮތް ރިޔާސީ އިންތިހާބުގައި ވާދަ ނުކުރައްވާނެ ކަމަށް ވިދާޅުވާ ވިދާޅުވުން ކުރީގެ ރައީސް މުހައްމަދު ނަޝީދު ތަކުރާރު ކުރައްވައިފި އެވެ.
އެމަނިކުފާނު އެ ވާހަކަފުޅު ތަކުރާރު ކުރެއްވީ ޗެެއާޕާސަން އިންތިހާބުގެ ކެމްޕެއިނަށް ށ. ފޭދޫއަށް ވަޑައިގެން ވާހަކަފުޅު ދައްކަވަމުންނެވެ.
ނަޝީދު ވިދާޅުވީ ނިމިދިޔަ ދުވަސްތަކުގައި އެމަނިކުފާނު މުހިންމު މަގާމުތަކެއް ފުރުއްވާފައިވާ ކަމަށެވެ. އެގޮތުން ރައީސުލްޖުމްހޫރިއްޔާގެ މަގާމާއި ރައްޔިތުންގެ މަޖިލީހުގެ ރައީސްގެ މަގާމާއި ދާދި ފަހުން އަދާކުރެއްވި މަގާމު ފާހަގަ ކުރެއްވި އެވެ.
އަދި ވިދާޅުވީ ކުރިއަށް އޮތް ރިޔާސީ އިންްތިހާބުގައި އެމަނިކުފާނު ވާދަނުކުރައްވާނެ ކަމަށެވެ. ރައީސުލްޖުމްހޫރިއްޔާގެ މަސްއޫލިއްޔަތަކީ ވަރަށް ބުރަ މަސްއޫލިއްޔަތެއްކަން ފާހަގަ ކުރައްވާ ނަޝީދު ވިދާޅުވީ މިއީ އެމަނިކުފާނަށް ވުރެ ހަގު ޖެނެރޭޝަނަށް ފުރުސަތު ދޭންވީ ވަގުތު ކަމަށެވެ. އެގޮތުން އެފަދަ ބޭފުޅަކަށް ފާހަގަ ކުރެއްވީ ނަޝީދުގެ ތާއީދު ކުރީން ވެސް އޮތް އެމްޑީޕީގެ ޗެއާޕާސަން ފައްޔާޒް އިސްމާއީލް (ފައްޔަ) އެވެ.
ނަޝީދު ކުރީން ވެސް ވަނީ ކުރިއަށް އޮތް ރިޔާސީ އިންތިހާބުގައި އެމަނިކުފާނު ތާއީދު ކުރައްވާނީ ފައްޔާޒަށް ކަމަށް ވިދާޅުވެފަ އެވެ. އަދި ނަޝީދު, އެމްޑީޕީގެ ޗެއާޕާސަން ކަމަށް ގެނައުމަށް ތާއީދު ކުރައްވާކަން ހާމަ ކުރައްވާ ފައްޔަ ގެންދަވަނީ ކެމްޕެއިންގައި ބައިވެރިވެވަޑައިގަންނަވަމުންނެވެ.
ރައީސް ސޯލިހްގެ ތާއީދު އޮތީ ނަޝީދުގެ ވާދަވެރިޔާ މީކާއީލް އަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
