މިނިސްޓަރު ނަސީރު ޝާރުޖާއަށް، ހުރިހާ ހަރަދެއް ކުރާނީ ޔޫއޭއީން

އެކުވެރި އަރަބި އިމާރާތުގެ ޝާރުޖާގައި ބާއްވާ "ޝާރުޖާ ނެރޭޓާރސް ފޯރަމް" ގެ 25ވަނަ ސެޝަން ޝަރަފުވެރިކޮށް ދެއްވުމަށް ދިވެހި ބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަޞީރު އިބްރާހީމް، ޝާރުޖާއަށް ފުރާވަޑައިގެންފި އެވެ.

ދިވެހި ބަހާއި ސަގާފަތާއި ތަރިކައާ ބެހޭ ވުޒާރާ އިން ބުނީ މި މަހު 22 އިން 26އަށް ވަޒީރާއި ވަފުދުގެ ބޭފުޅުންގެ ދަތުރުފުޅާ ގުޅޭ ހުރިހާ ހަރަދެއް ޝާރުޖާގެ ފަރާތުން ހަމަޖައްސާ ގޮތަށް ލިބިފައިވާ މި ދައުވަތަކީ ޝާރްޖާ އިންސްޓިޓިއުޓް އޮފް ހެރިޓޭޖުން ދީފައިވާ ދައުވަތެކެވެ.

"ދަތުރުވެރީންގެ ވާހަކަ" މި ޝިއާރުގެ ދަށުން ބާއްވާ މި ފޯރަމުގެ މަގްސަދުތަކުގެ ތެރޭގައި އެކި ގައުމުތަކުގެ ތާރީހާއި ސަގާފަތާއި އާދަކާދަތައް ބޭރުދުނިޔެއަށް ދައްކުވައިދިނުމުގެ އިތުރުން، ފަންނުވެރީންގެ ހުނަރުތައް ކުރިއެރުވުން ހިމެނެ ކަމަށް އެ މިނިސްޓްރީން ބުންޏެވެ.

މިގޮތުން މި ފޯރަމުގައި ރާއްޖެ ބައިވެރިވެރިވެފައިވާއިރު މީގެ ސަބަބުން ރާއްޖޭގެ ތަރިކައާއި މާދަރީބަހުގެ ޢިލްމުވެރީންނާއި، ފަންނާނުންނަށް ބައިވެރިވުމުގެ ފުރުޞަތު ލިބި ފަންނުވެރީންގެ ހުނަރު ދައްކާލުމުގެ ފުރުސަތު ވެސް ވަނީ ލިބިފައެވެ.