5 ރަށެއްގެ އުމްރާނީ ތަރައްޤީގެ މުހިންމު މަޝްރޫޢުތަކެއް އެމް.ޓީ.ސީ.ސީއާ ހަވާލުކޮށްފި

5 ރަށެއްގެ އުމްރާނީ ތަރައްޤީގެ މުހިންމު މަޝްރޫޢުތަކެއް ކުރިއަށް ގެންދިއުމަށްޓަކައި، މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ފަރާތުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ) އާއެކު މިއަދު އެއްބަސްވުންތަކުގައި ސޮއިކޮށްފިއެވެ.

މި އެއްބަސްވުންތަކުގައި މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު އިސްމާޢީލް ޙަމީދުއެވެ. އަދި އެމް.ޓީ.ސީ.ސީގެ ފަރާތުން ސޮއިކުރެއްވީ އެ ކުންފުނީގެ ޑެޕިއުޓީ މެނޭޖިންގ ޑިރެކްޓަރ އަޙްމަދު ޝަރީފް ޢަބްދުއްރަޙްމާން ޔޫސުފްއެވެ.

މި ރަސްމިއްޔާތުގައި މަޝްރޫޢުތައް ކުރިއަށްދާ ދާއިރާތަކުގެ މެންބަރުން ކަމުގައިވާ ދާންދޫ ދާއިރާގެ މުޙައްމަދު ފަޟީލް އަދި މަނަދޫ ދާއިރާގެ ޙުސްނީ މުބާރިކް ބައިވެރިވެވަޑައިގެންނެވިއެވެ.

މިނިސްޓްރީ އޮފް ކޮންސްޓްރަކްޝަން، ހައުސިންގ އެންޑް އިންފްރާސްޓްރަކްޗަރގެ ފަރާތުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމް.ޓީ.ސީ.ސީ) އާއެކު މިއަދު އެއްބަސްވުންތަކުގައި ސޮއިކުރުން

ހަވާލުކުރެވުނު މަޝްރޫޢުތަކުގެ ތެރޭގައި ހިމެނެނީ؛

ލ. މުންޑޫ ބަނދަރު ތަރައްޤީކުރުމާއި،

ގއ. ނިލަންދޫ އަދި ގދ. ހޯނޑެއްދޫގެ ގޮނޑުދޮށް ހިމާޔަތްކުރުމުގެ މަސައްކަތް

ނ. ލަންދޫގެ ގޮނޑުދޮށް ހިމާޔަތްކުރުމާއެކު އެ ރަށުގެ މޫދަށް އެރޭ ސަރަޙައްދާއި ދޯނި އެހެލާ ސަރަޙައްދު ތަރައްޤީކުރު

ރ. އަނގޮޅިތީމުގެ ބަނދަރާއި، ޖެޓީ އަދި މޫދަށް އެރޭ ސަރަޙައްދު ތަރައްޤީކުރުން

މި މަޝްރޫޢުތަކަކީ ރަށްރަށުގެ ބަނދަރާއި، ގޮނޑުދޮށް ހިމާޔަތްކުރުމުގެ އިތުރުން އިޖުތިމާޢީ އެކި ބޭނުންތަކަށް ބޭނުންވާ ވަސީލަތްތައް ގާއިމްކުރުމަށް ހިންގޭ މުހިންމު މަސައްކަތްތަކެކެވެ.