ދ، މ އަދި ވ އަތޮޅަށް ކުރެއްވި ދަތުރުފުޅަށް ފަހު ރައީސް ޑރ.މުއިއްޒު ގުރައިދުއަށް ވަޑައިގެންފި
ދ، މ އަދި ވ އަތޮޅަށް ކުރެއްވި ތިން ދުވަހުގެ ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ ޑރ.މުހައްމަދު މުއިއްޒު މާލެ އަތޮޅު ގުރައިދުއަށް ވަޑައިގެންފިއެވެ.
ރައީސް ޑރ.މުއިއްޒު މިއަދު ގުރައިދޫ އަށް ވަޑައިގަތުމުން އެ ރަށުގެ ރައްޔިތުން ވަނީ އެމަނިކުފާނަށް ހޫނު މަރުހަބާ އެއް ކިޔާފައެވެ.
މާލެ އަތޮޅު ގުރައިދޫ އަދި މާފުށްޓަކީ ރައީސް ޑރ.މުއިއްޒުގެ މި ދަތުރުފުޅަށް ފަހުން އިތުރުކުރެއްވި ދެރަށެވެ.
އަތޮޅު ތެރެއަށް ރައީސް ޑރ.މުއިއްޒު ކުރައްވާ މިދަތުރުފުޅުތަކަކީ، ރާއްޖޭގެ ހުރިހާ އަތޮޅަކަށް ޒިޔާރަތްކުރެއްވުމަށާ، އަތޮޅުތަކާ ރަށްތަކާ ސިޓީތަކުގެ ލޯކަލް ކައުންސިލުތަކާ ބައްދަލުކުރައްވައި، ރައްޔިތުންގެ ހާލުއަހުވާލު ބެއްލެވުމަށް ކުރައްވާ ދަތުރުފުޅުތަކެކެވެ.
މި ދަތުރުފުޅުތަކުގައި ރައީސް ޑރ.މުއިއްޒު، ތަރައްޤީގެ މަޝްރޫޢުތައް ތަރުތީބުކުރާނޭ ގޮތާއިމެދުވެސް މަޝްވަރާ ކުރައްވާފައިވާއިރު، އެމަނިކުފާނު ދަނީ ރައްޔިތުން އެދޭ ކަންތައްތައް އޮޅުންފިލުއްވަމުންނެވެ.
މި ފަސްއަހަރުގެ ތެރޭގައި ރާއްޖޭގެ ކޮންމެ ރަށަކަށްވެސް މަދުވެގެން ދެ ފަހަރު ޒިޔާރަތްކުރެއްވުމަކީ އަމާޒެއް ކަމަށް ރައީސް ޑރ.މުއިއްޒު ވަނީ ވިދާޅުވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
