ނަޝީދުގެ ތާއީދު އަލީ އާޒިމަށް, ފާޅުގައި ނިކުންނަވާ އެންޑޯސް ކުރައްވައިފި
ލިޔުންތެރިޔާ
އަހުމަދު ހަމީދު އާދަމް
އެމްޑީޕީގެ ޕްރައިމަރީގައި މާލެ ސިޓީ މޭޔަރު ކަމުގެ މަގާމަށް ވާދަކުރަން އެެމްޑީޕީގެ ޓިކެޓް އަލީ އާޒިމަށް ހޯދުމަށް ކުރާ ކެމްޕެއިނަށް ކުރީގެ ރައީސް މުހައްމަދު ނަޝީދު ތާއީދު ކުރައްވައިފި އެވެ.
މާލެ ސިޓީގެ މޭޔަރު ކަމަށް އެމްޑީޕީގެ ޓިކެޓްގައި ވާދަކުރަން ޕާޓީގެ ޓިކެޓް ހޯދުމަށް ކުރިމަތިލެއްވީ މިހާރުގެ މޭޔަރު އާދަމް އާޒިމް އާއި އަލީ އާޒިމް އެވެ.
ނަޝީދު މިއަދު ވަނީ އަލީ އާޒިމަށް ތާއީދު ކުރައްވާކަން ހާމަކުރައްވާފަ އެވެ. އަދި އަލީ އާޒިމަށް ވޯޓް ދެއްވަން އެދިވަޑައިގެން އޭނާގެ ކެމްޕެއިން ފޮޓޯއެއް ވަނީ ހިއްސާކުރައްވާފަ އެވެ.
އަލީ އާޒިމަކީ ނަޝީދާއެކު އެމްޑީޕީން ވަކިވެ ޑިމޮކްރެޓްސް އުފެއްދުމުގައި އެންމެ އިސްކޮށް އުޅުއްވި ބޭފުޅުންގެ ތެރެއިން ބޭފުޅެކެވެ. ނަޝީދާއެކު އަލުން އެމްޑީޕީއަށް ވަޑައިގެންނެވީ މި އަހަރު އެވެ.
ރައީސް ސޯލިހްގެ ވެރިކަމުގައި ނަޝީދާއި ސޯލިހްގެ ގުޅުން ހީނަރުވެ އުފެދުނު ހިޔާލުތަފާތުވުންތަކާއި ގުޅިގެން އެމްޑީޕީން ފުރަތަމަ ވަކިކުރި ބޭފުޅަކީވެސް އަލީ އާޒިމެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
