ރައީސް ސޯލިހް ރައީސުލްޖުމްހޫރީޔާ އޮފީހުގައި ހާއްސަ ކެންޕެއިނެއް ފައްޓަވައިފި
ލިޔުންތެރިޔާ
ޝަފްރާޒް އަހްމަދު
ރައީސުލްޖުމްހޫރީޔާ އޮފީހުގައި އެއްފަހަރު ބޭނުންކޮށްފައި އުކާލެވޭ ޕްލާސްޓިކް ބޭނުން ކުރުން ހުއްޓުވުމަށް ޚާއްސަ ކެންޕެއިނެއް ރައީސް ސޯލިހު ފައްޓަވައިދެއްވައިފިއެވެ.
ރައީސް ސޯލިހުގެ އިސްނެންގެވުމުގެ ދަށުން މިކަން ފައްޓުމުގެ ގޮތުން މިއަދު ހެނދުނު ރައީސް އޮފީހުގައި ބޭއްވުނު ރަސްމީޔާތުގައި ވަނީ ފުރަތަމަ ފަހަރަށް ރައީސް އޮފީހުގެ ހުރިހާ މުވަޒަފުންނާ ބައްދަލުކުރައްވާ މުހާތަބު ކުރައްވާފައެވެ.
އުއްމީދަކީ، މި ސަރުކާރުގެ ފުރަތަމަ 100 ދުވަހުގެ ތެރޭގައި ސަރުކާރުގެ ވުޒާރާތަކާއި އޮފީސްތަކުގައި އެއްފަހަރު ބޭނުންކޮށްފައި އުކާލާ ޒާތުގެ ޕްލާސްޓިކް މަދުކުރުންކަމުގައި ރައީސް އިބްރާހިމް މުހައްމަދު ސޯލިހު ވިދާޅުވިއެވެ.
ރައީސް ސޯލިހުގެ ވާހަކަފުޅުގައި މިއީ ތިމާވެށި ރައްކާތެރިކުރުމަށް އެޅުނު މުހިންމު ފިޔަވަޅެއްގެ ގޮތުގައި ފާހަގަކުރެއްވިއެވެ. އަދި ރާއްޖެއަކީ ކިތަންމެ ކުޑަ ޤައުމެއްކަމުގައި ވީނަމަވެސް ދުނިޔޭގެ ފަރުގެ %3 އަކީ ރާއްޖެ ހިއްސާ ކުރާތަންތަން ކަން ފާހަގަކުރައްވާފައެވެ. މި
އެގޮތުން ރާއްޖޭގެ ކުންޔާ ބެހޭ ތަފާސް ހިސާބު ރައީސް ވަނީ ވިދާޅުވެ، މިކަމުގެ ނުރައްކާ އޮތް މިންވަރު ވިދާޅުވެފައެވެ.
ފަރަށް ދެވޭ އެންމެ ބޮޑު ގެއްލުމަކީ ފަރަށް ކުނި އެޅުންކަން ފާހަގަކުރައްވައި ދުވާލަކަށް 850 މެޓްރިކް ޓަނުގެ ކުނި އަޅާކަން ފާހަގަކުރައްވައި ޕްލާސްޓިކަށް އަޅުގަނޑުމެން ބަރޯސާވެފައިވަނީ ކަންބޮޑުވާ މިންވަރަކަށް ކަން ވެސް ރައީސް ސޯލިހި ފާހަގަކުރެއްވެވިއެވެ.
މިކަމުގެ ހައްލަކީ ދިރިއުޅުމުގެ ވައްޓަފާޅި ބަދަލު ކުރުން ކަމަށާއި، އެހެންކަމުން މިއަދު އެ އޮފީހުގައި މަލްޓި ޔޫސް ފުޅިއާއި ކޮތަޅު މިދިޔައީ ތައާރަފް ކުރެވިގެންކަން ފާހަގަކުރެއްވެވިއެވެ. މިއީ ރާއްޖެގެ ތިމާވެއްށި ރައްކާތެރި ކުރުމަށް އެޅިގެންދާނެ މުހިންމު ފިޔަވަޅެއްކަން ރައީސް ފާހަގަކުރެއްވެވިއެވެ.
މިއަދުގެ ރަސްމީޔާތުގައި ރައީސް އޮފީހުގެ ހުރިހާ މުވަޒަފުންނަށް ވަނީ ބިއްލޫރި ފުޅި އަދި މަލްޓިޕާޕަސް ކޮތަޅު ހަވާލުރައްވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
