އެމްއައިބީން މިހާރު އޮންލައިންކޮށް އެކައުންޓުން ހުޅުވައި، ކާޑުވެސް އެކްޓިވޭޓް ކޮށްލެވޭނެ!
ލިޔުންތެރިޔާ
ޚަދީޖާ އަރުފާ
މޯލްޑިވްސް އިސްލާމިކް ބޭންކުން މިހާރު އޮންލައިންކޮށް ކާޑު އެކްޓިވޭޓް ކޮށްލެވޭނެ އިންތިޒާމް އެ ބޭންކުން ހަމަޖައްސައިފިއެވެ.
އެމްއައިބީން ބުނީ، އެ ބޭންކުގެ ކޮންމެ ބްރާންޗެއް ގަޔާއި ސޭލްސް ސެންޓަރެއްގައިވެސް ވަގުތުން ލިބެން ހުންނަ އިންސްޓެންޓް ކާޑް ކިޓުގައި އޮންނަ ކިއުއާރު ކޯޑު ސްކޭން ކޮށްލައިގެން ކާޑް އެމީހެއްގެ އެކައުންޓަށް ފަސޭހަކަމާއިއެކު ލިންކް ކޮށްލެވޭނެ ކަމަށެވެ.
އަދި މި އިންސްޓެންޓް ކާޑް ކިޓް ބޭނުންކޮއްގެން އެކައުންޓެއް ނެތް ފަރާތްތަކަށްވެސް އެކައުންޓެއް ހުޅުވައި ކާޑުގެ ޚިދުމަތް ވަގުތުން ހޯދޭނެ ކަމަށް އެ ބޭންކުން މަޢުލޫމާތު ދެއެވެ.
މިއާއެކު ކަސްޓަމަރުންނަށް ކިއުގައި ނުޖެހި އެކައުންޓް ހުޅުވުމުގެ އެންމެހައި ކަމެއް ލުއިފަސޭހަކޮށް ވަގުތުން ލިބިގެންދާނެކަން އެ ބޭންކުން ފާހަގަކޮށްފައިވެއެވެ.
އެމްއައިބީއިން ދަނީ ބޭންކިންގ ޚިދުމަތްތައް ޑިޖިޓަލްކޮށް ކަސްޓަމަރުންނަށް ފަސޭހަކަމާއިއެކު އަވަސް ޚިދުމަތްތަކެއް ދޭން މަސަތްކަތްތަކެއް ކުރަމުންނެވެ. މިގޮތުން އޮންލައިންކޮށް އެކައުންޓް ހުޅުވުމަށް އެޕްލައިނައު ޕޯޓަލްއާއި އުޖާލާ ފައިނޭންސިންގގެ ޚިދުމަތްތަކަށް އުޖާލާނައު ޕޯޓަލްވެސް ވަނީ ތަޢާރަފުކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
