ފެން ހިންދުމުގެ މަސައްކަތަށް އެހީ ޖަމިއްޔާގެ ފަރާތުން އެމްއެންޑީއެފަށް ޕަންޕެއް ހަދިޔާކޮށްފި

ރާއްޖެއަށް މިހާރު ކުރަމުންދާ ވިއްސާރައިގައި މާލެ ސަރަހައްދު ހިމެނޭގެން ރާއްޖޭގެ އެކި ރަށްރަށުގައި ފެންބޮޑުވެ، ފެންހިންދުމުގެ މަސައްކަތުގައި އެހީތެރިވުމަށް އެހީ ޖަމިއްޔާގެ ފަރާތުން މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އަށް ފެން ހިންދާ ޕަންޕެއް ހަދިޔާ ކޮށްފިއެވެ.

އެމްއެންޑީއެފަށް ހަދިދާ ކުރި މި ޕަންޕުވަނީ އެމްއެންޑީއެންގެ ފަޔަރ އެންޑް ރެސްކިއު ޓީމާ، އެހީ ޖަމިއްޔާގެ ފަރާތުން އަހްމަދު އިޤްބާލް ރޭ ހަވާލުކުރައްވައިފައެވެ.

ވޮއިސްއަށް މައުލޫމާތު ދެއްވަމުން އެހީ ޖަމިއްޔާގެ ފަރާތުން ވިދާޅުވީ، ރާއްޖެއަށް މިހާރު ކުރަމުންދާ ވިއްސާރައިގައި ފެންބޮޑުވުމާއި އަދިވެސް އެހެނިހެން ކަންކަމުގައި އެހީތެރިކަން ފޯރުކޮށްދިނުމަށް އެހީ ޖަމިއްޔާއިން އޮތީ ތައްޔާރަށް ކަމުގައެވެ.

އެހެންނަމަވެސް އެ ބޭފުޅުން ވިދާޅުވަނީ މި ވަގުތަށް ހުރިހާ ކަމެއްވެސް އޮތީ ފުރިހަމަ ކޮންޓްރޯލްގައިކަމަށް، އެހެންވެ ދެން އެންމެ ބޮޑަށް އެހީތެރިވެދެވޭނެ ކަމެއް ކޮށްދިނުމަށް އަޅުގަނޑުމެން ބެލީ

އަހްމަދު އިޤްބާލު

އެގޮތުން އެމްއެންޑީއެފުން ފެންހިނދުމުގެ މަސައްކަތުގައި ބޭނުންކުރާ ފެންވަރުގެ ޕަންޕެއް އެ ޖަމިއްޔާގެ ފަރާރުން އެ އިދާރާއަށް ހަދިޔާ ކުރުމަށް ނިންމީކަމުގައިވެސް އެހީ ޖަމިއްޔާގެ ފަރާތުން ވަނީ މައުލޫމާތު ދެއްވައިފައެވެ.

ރާއްޖެއަށް މިހާރު ކުރަމުންދާ ވިއްސާރައިގައި މާލެއާއި ހުޅުމާލެ ހިމެނޭހެން ރާއްޖޭގެ ގިނަ ރަށްތަކެއްގައި ވަނީ ފެންބޮޑުވެފައެވެ. އެގޮތުން މެޓް އޮފީހުން ހާމަކުރި އެންމެ ފަހުގެ އަދާހަމަތަކަށް ބަލާއިރު ފާއިތުވި 24 ގަޑި އިރު އެންމެ ބޯކޮށް ވާރޭ ވެހިފައިވަނީ، ހުޅުލެއަށެވެ.