އިސްރާއީލުން އީރާނުގެ ހަކަތަ އުފައްދާ މަރުކަޒުތަކަށް ދޭ ހަމަލާތައް ދިވެހި ސަރުކާރުން ކުށްވެރިކޮށްފި
ލިޔުންތެރިޔާ
އަޙްމަދު އާހިލް ސަޢީދު
އީރާނުގެ ހަކަތަ އުފައްދާ މަރުކަޒުތަކަށް އިސްރާއީލުން ދެމުންދާ ހަމަލާތައް ދިވެހި ސަރުކާރުން ހަރުކަށި އިބާރާތުން ކުށްވެރި ކޮށްފިއެވެ.
މިނިސްޓްރީ އޮފް ފޮރިން އެފެއާޒުން މިއަދު ނެރުނު ބަޔާނެއްގައި ބުނީ، މިފަދަ މަރުކަޒުތަކަށް ހަމަލާދިނުމަކީ ބައިނަލްއަޤުވާމީ ޤާނޫނުތަކާ ހިލާފު، އަދި ސަރަހައްދީ ހަމަޖެހުން ގެއްލި ދުނިޔޭގެ ހަކަތައިގެ ރައްކާތެރިކަމަށް އޮތް ބޮޑު ނުރައްކަލެއް ކަމަށެވެ.
ބަޔާނުގައި ހާރިޖިއްޔާއިން ވަނީ ސައުދީ އަަރަބިއްޔާ، ޔޫ.އޭ.އީ، ޤަތަރު އަދި ކުވެއިތުގެ ވިޔަފާރި އަދި ހަކަތަ އުފައްދާ މަރުކަޒުތަކަށް އަމާޒުކޮށް ދެމުން އަންނަ ހަމަލާތައްވެސް ކުށްވެރިކޮށްފައެވެ. ސަރުކާރުން ފާހަގަކުރި ގޮތުގައި، މިފަދަ މުހިންމު ބިނާތަކަށް ހަމަލާދިނުމަކީ ސަރަހައްދީ ސަލާމަތާއި ހަމަޖެހުމަށް އޮތް އިތުރު ހުރަހެކެވެ.
ޚާއްޞަކޮށް ތެޔޮ އުފައްދާ މަރުކަޒުތަކާއި، ފެން އުފައްދާ ކާރުޚާނާތަކުގެ އިތުރުން އެއާޕޯޓުތައް ފަދަ މުހިންމު ތަންތަނުގެ ރައްކާތެރިކަން ކަށަވަރުކުރުމަކީ ކޮންމެހެން ބޭނުންތެރި ކަމެއްކަން ރާއްޖޭގެ ބަޔާނުގައި ފާހަގަކޮށްފައިވެއެވެ. މިފަދަ ހަމަލާތަކުގެ ސަބަބުން މުޅި ސަރަހައްދުގެ މަސްރަހު އިތުރަށް ގޯސްވަމުންދާކަމަށް ސަރުކާރުން ވަނީ ފާހަގަކޮށްފައެވެ އަދި މިހާރުން މިހާރަށް ހަމަލާތައް ހުއްޓާލައި، ސަރަހައްދީ ރައްކާތެރިކަން އަނބުރާ އިއާދަކުރުމަށްޓަކައި ޑިޕްލޮމެޓިކް މަސައްކަތްތައް ވަރުގަދަކުރުމަށްވެސް ރާއްޖެއިން ވަނީ އިލްތިމާސްކޮށްފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
