ޓޫރިޒަމާއި ތިމާވެއްޓާބެހޭ ވުޒާރާ އެއްކޮށްލައި، މިނިސްޓަރަކަށް ތޯރިގް!
ލިޔުންތެރިޔާ
އަބްދުﷲ ހުސައިން
ޓޫރިޒަމް މިނިސްޓްރީ އާއި ތިމާވެއްޓާބެހޭ މިނިސްޓްރީ އެއްކޮށްލައި މިނިސްޓަރަކަށް ތޯރިގް އިބްރާހީމް އައްޔަނު ކުރައްވައިފިއެވެ.
މިކަމަށްޓަކައި މިއަދު ރައީސުލްޖުމްހޫރިއްޔާގެ އޮފީހުގައި ބޭއްވި ރަސްމިއްޔާތުގައި ދެ ވުޒާރާ އެއްކޮށްލައި، ވަޒީރުކަމުގެ ލިޔުން ރައީސް ޑރ.މުހައްމަދު މުއިއްޒު ވަނީ ތާރިގަށް އަރުވާފައެވެ. އޭގެ ކުރިން ތޯރިގް ވަނީ ސުޕްރީމް ކޯޓުގެ ފަނޑިޔާރު މަހާޒް އަލީ ޒާހިރުގެ ކުރިފުޅުމަތީގައި ވަޒީރުކަމުގެ ހުވާކުރައްވާފައެވެ.
މިނިސްޓްރީ އޮފް ޓޫރިޒަމް އެންޑް އެންވަޔަރަންމަންޓްގެ މަޤާމަށް އައްޔަނުކުރުމަށްފަހު ރައީސް ޑރ.މުއިއްޒުވަނީ ތޯރިގާ ބައްދަލުކުރައްވައި ތިވާވެއްޓާއި ގުޅުވައި ރާއްޖޭގެ ފަތުރުވެރިކަން އިސްތިހާރު ކުރުމުގެ މުހިއްމުކަމާ ބެހޭގޮތުން ވާހަކަދައްކަވާފައެވެ.
ޓޫރިޒަމާ ބެހޭ ވަޒީރަކަށް މީގެކުރިން ހުންނެވި އިބްރާހީމް ފައިސަލް މަގާމުން ވަކިކޮށްފައި ވަނީ މިދިޔަ އަންގާރަ ދުވަހުއެވެ. ފައިސަލް މަޤާމުން ވަކިކުރެއްވި ސަބަބެއް އަދި މިހާތަނަކަށް ސަރުކާރުން ހާމައެއް ނުކުރެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
