ޕީއެންސީއަށް 13 މިލިއަން، އެމްޑީޕީއަށް 8 މިލިއަން އަދި ޖޭޕީއަށް 2 މިލިއަން

މި އަހަރު ދައުލަތުގެ ބަޖެޓުން ސިޔާސީ ޕާާޓީތަކަށް ފައިސާ ދޫކުރާނެ އަދަދު ކަނޑައަޅާ އާންމުކޮށްފި އެވެ.

ކޮންމެ އަހަރަކު ދައުލަތުގެ ބަޖެޓުން ވަކި މިންވަރެއް ސިޔާސީ ޕާޓީތަކަށް ދިނުމަށް ކަނޑައަޅަ އެވެ. އެއީ ބަޖެޓްގެ 0.01 ޕަސެންޓެވެ. މި އަހަރުގެ ބަޖެޓުން 27,981,256 ރުފިޔާ ކަނޑައަޅާފައިވެ އެވެ.

އެ ފައިސާ ބަހާނީ 10,000 މެންބަރުން ހަމަވާ ޕާޓީތަކުގަ އެވެ. އެ އަދަދު ޕާޓީތަކުގައި ހަމަވޭތޯ ބަލަނީ ދައުލަތުގެ ބަޖެޓް ފާސްކުރާ ދުވަހާ ހަމައަށެވެ.

އިލެކްޝަންސް ކޮމިޝަނުން ބުނީ މި އަހަރު ފައިސާ ލިބޭނީ ފަސް ޕާޓީއަކަށް ކަމަށެވެ. އެއީ އެމްޑީޕީ އާއި އަދާލަތު ޕާޓީ އާއި ޖޭޕީ އާއި އެމްޑީއޭ އާއި ޕީއެންސީ އަށެވެ.

* ޕީޕަލްސް ނޭޝަނަލް ކޮންގްރެސް - 13,316,689.75 މިލިއަން ރުފިޔާ

* ދިވެހިރައްޔިތުންގެ ޑިމޮކްރެޓިކް ޕާޓީ - 8,454,780.51 މިލިއަން ރުފިޔާ

* ޖުމްހޫރީ ޕާޓީ - 2,656,598.57 މިލިއަން ރުފިޔާ

* އަދާލަތު ޕާޓީ - 1,713,538.65 މިލިއަން ރުފިޔާ

* މޯލްޑިވްސް ޑިވެލޮޕްމަންޓްޔް އެލަޔަންސް - 1,769,648.68 މިލިއަން ރުފިޔާ

ދެން އޮތް ދެ ޕާޓީ ކަމަށްވާ މޯލްޑިވްސް ނެޝަނަލް ޕާޓީ އާއި ދަ ޑިމޮކްރެޓްސް ގައި ފައިސާ ލިބޭ މިންވަރަށް މެންބަރުންގެ އަދަދު ހަމަނުވާތީ ފައިސާއެއް ނުލިބެ އެވެ.

ފައިސާ ލިބޭ ޕާޓީތަކުގެ ތެރެއިން އަދާލަތު ޕާޓީ އާއި އެމްޑީއޭ ގައި މިހާރު 10,000 ހަމައެއް ނުވެ އެވެ. އެ ދެ ޕާޓީގައި ވެސް މިވަގުތު ތިބީ 9,000 މެންބަރުންނެވެ. ފައިސާ ދޭން ނިންމީ މި އަހަރުގެ ބަޖެޓް ފާސްކުރިއިރު 10,000 މެންބަރުން ހަމަވާތީ އެވެ.