ދޮންފަނުގެ މަލަމަތި ރީތިކޮށްލީ ޗާލު މޮނިއުމަންޓަކުން
ލިޔުންތެރިޔާ
އަހުމަދު ހަމީދު އާދަމް
ބ. ދޮންފަނުގައި ހެދި ރީތި މޮނިއުމަންޓް ރަސްމީކޮށް ހުޅުވައިފި އެވެ.
ދޮންފަނުގައި ހެދި މޮނިއުމަންޓް ހުޅުވުމަށް ރޭ ވަނީ ހާއްސަ ހަފްލާއެއް ބާއްވާފަ އެވެ. އަދި ކައުންސިލުން މިހާރު ވަނީ މޮނިއުމަންޓްގެ ފޮޓޯތަައް ސޯޝަލް މީޑިއާގައި ހިއްސާކޮށްފަ އެވެ.
އެ ފޮޓޯތަކަށް ބޮޑު ސަމާލު ކަމެއް ވަނީ ލިބިފަ އެވެ. ގިނަ ބަޔަކު ވަނީ އެ މޮނިއުމަންޓް ވަރަށް ރީތިކަން ފާހަގަކޮށްފަ އެވެ.
ދޮންފަނުގެ މޮނިއުމަންޓްގައި ހިމަނާފައިވަނީ ފަންތަކެކެވެ. އަދި މޮނިއުމަންޓް ތިރީގައި މަޑިތަކެކެވެ. ދިވެހިންނާއި އިނގިރޭސިން “ދޮންފަން” މިހެން ލިޔެފައިވެ އެވެ.
ރީތި މޮނިއުމަންޓްތައް ހެދުމުގައި ރަށްރަށުގައި ބޮޑު ވާދަވެރި ކަމެއް އޮވެ އެވެ. މިހާތަނަށް ވަރަށް ގިނަ ރަށްރަށު ކައުންސިލްތަކުން ވަނީ އެ ރަށްރަށުގައި ހިތްގައިމު ރީތި މޮނިއުމަންޓްތައް ހަދާފަ އެވެ.
ބައެއް ރަށްރަށުގެ މޮނިއުމަންޓްތަކަށް އާންމުންގެ ބޮޑު ސަމާލު ކަމެއް ލިބިފައިވެ އެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
