ރައީސް މައުމޫންގެ ތާއީދާއި ހެޔޮ ދުއާ އޮތީ މިސްރު ޓީމާއެކު
ފީފާ ވޯލްޑްކަޕް ގައި މިރޭ އާޖެންޓީނާއާ މިސްރު ބައްދަލުކުރާ މެޗުގައި މިސްރުގެ ގައުމީ ޓީމަށް ކާމިޔާބަށް އެދިވަޑައިގެން ކުރީގެ ރައީސް, މައުމޫން އަބްދުލްގައްޔޫމް ޕޯސްޓެއް ކުރައްވައިފި އެވެ.
އެމަނިކުފާނު, މިސްރުގެ ގައުމީ ޓީމަށް ހެޔޮ ދުއާކުރައްވާ ކާމިޔާބަށް އެދިވަޑައިގެން އަރަބި ބަހުން އެކްސްގައި ކުރެއްވި ޕޯސްޓެއްގައި ވަނީ މިސްރުގެ ގައުމީ ޓީމަށް ހިތްވަރު ދެއްވާފަ އެވެ.
މިސްރަށް އޮތީ ބޮޑު ލޯތްބެއްކަން ހާމަކުރައްވާ އެ ޓީމަށް ކާމިޔާބު ދެއްވުން އެދިވަޑައިގެން ދުއާ ކުރައްވާފައިވެ އެވެ.
ރައީސް މައުމޫނަކީ މިސްރުގެ އަލްއަޒުހަރު ޔުނިވާސިޓީގެ އެންމެ ފަހުވެރިވެރި އެއް ދަރިވަރެވެ. އެމަނިކުފާނަކީ މިސްރުގައި ވަރަށް މަގުބޫލު ބޭފުޅެކެވެ.
މިރޭ ރާއްޖެ ގަޑިން 9:00 ގައި މިސްރު ނިކުންނާނީ ދުނިޔޭގެ ޗެމްޕިއަން އާޖެންޓީނާއާ ދެކޮޅަށެވެ. މި މުބާރާތުގައި މިސްރުން އަންނަނީ ހައިރާންކުރަނިވި ނަތީޖާތަކެއް ނެރެމުންނެވެ. އެންމެ ފަހުން އެެ ގައުމުން ވާދަކުރީ އޮސްޓްރޭލިއާ އެވެ.
މިއީ ފީފާ ވޯލްޑްކަޕްގައި މިސްރު ގަދަ 16ގެ ތެރޭގައި ހިިމެނުނު ފުރަތަމަ ފަހަރެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
