މަންފާ ޤުރުއާން ކޭމްޕް އޮންނާނީ މަހިބަދޫގައި
މަންފާ ޤުރުއާން ކޭމްޕް އޮންނާނީ މަހިބަދޫގައި
ހަބަރު 12 Aug 2026 | 15:19

މަންފާގެ ފުރަތަމަ ޤުރުއާން ކޭމްޕް މަހިބަދޫގައި، ތަފާތު ގިނަ ހަރަކާތްތަކާއި މުބާރާތްތައް

ދިވެހީންގެ ދީނީ ހޭލުންތެރިކަމަށް އެންމެ ފުޅާ ދާއިރާއެއްގައި މަސައްކަތް ކުރާ "މަންފާ" އިން ބާއްވާ ފުރަތަމަ ޤުރުއާން ކޭމްޕް އދ. މަހިބަދޫގައި ބޭއްވުމަށް ނިންމައިފި އެވެ.

"މަންފާ ޤުރުއާން ކޭމްޕް" އަކީ ކޮންމެ އަހަރަކު ރަށެއްގައި ސިލްސިލާކޮށް ކުރިއަށް ގެންދަން ނިންމާފައިވާ ކޭމްޕެކެވެ. ފުރަތަމަ ކޭމްޕް ބޭއްވުމަށް ހަމަޖެހިފައިވަނީ މަހިބަދޫގައި އޮގަސްޓް 26 އިން 28 އަށެވެ.

މި ކޭމްޕާއި ގުޅޭގޮތުން ވޮއިސްއާ ވާހަކަ ދައްކަވަމުން ކޭމްޕް ކުރިއަށް ގެންދިއުމުގައި އިސްކޮށް ހުންނެވި މަންފާ އެކަޑަމީގެ ނާއިބު ރައީސް އަލްޤާރީ މުހައްމަދު ތައުފީޤް ވިދާޅުވީ މިއީ ވަރަށް ތަފާތު ކޭމްޕެއް ކަމަށާ ތަފާތު އެތައް ހަރަކާތެއް މި ކޭމްޕްގެ ތެރެއިން ކުރިއަށް ގެންދިއުމަށް ހަމަޖެހިފައިވާ ކަމަށެވެ.

މި ކޭމްޕަށް ރާއްޖޭގައި އެންމެ ފާހަގަކޮށްލެވޭ ޤާރީންނާއި ޤުރުއާން މުދައްރިސުން މަހިބަދޫއަށް ވަޑައިގަތުމަށް ވަނީ ހަމަޖެހިފަ އެވެ. އަދި ކުރިއަށް ގެންދާ އެކި ހަރަކާތްތަކުގައި ޤާރީންގެ ކިޔެވުންތައް އަޑުއިވިގެންދާނެ އެވެ.

ޤުރުއާން ތިން މުބާރާތް

ޤާރީ ތައުފީޤު ވިދާޅުވީ "މަންފާ ޤުރުއާން ކޭމްޕް" ގައި ޤުރުއާން މުބާރާތްތަކެއް ކުރިއަށް ގެންދަން ނިންމާފައިވާ ކަމަށެވެ. އެގޮތުން ތިން މުބާރާތެއް ކުރިއަށް ގެންދާނެ އެވެ.

އެއް މުބާރާތަކީ މުޅި އދ އަތޮޅަށް ހުޅުވާލައިގެން ބާއްވާ މުބާރާތެކެވެ. މުބާރާތް ކުރިއަށް ގެންދާނީ ފަސް އުމުރުފުރައަކަށް ބަހާލައިގެންނެވެ. މުބާރާތުގައި ބައިވެރިވުމުގެ ފުރުސަތު މިހާރުވެސް ވަނީ ހުޅުވާލާފަ އެވެ. އެކަމަށް ޚާއްސަ އެޕްލިކޭޝަން މެދުވެރިކޮށް މުބާރާތަށް ކިޔެވުން ފޮނުވޭނެ އެވެ.

މުބާރާތަށް ފޮނުވާ ކިޔެވުންތަކަށް ފަނޑިޔާރުން އިންސާފު ކުރުމަށް ފަހު ފައިނަލް ރައުންޑަށް 30 ބައިވެރީން ހޮވާނެ އެވެ. ފައިނަލް ބުރުގެ ކިޔެވުންތައް އޮންނާނީ މަހިބަދޫގަ އެވެ.

މަންފާ އެކަޑަމީގެ ނާއިބު ރައީސް އަލްޤާރީ މުހައްމަދު ތައުފީޤް

މީގެ އިތުރުން އުމުރުން 30 އަހަރުން މަތީގެ މީހުންނަށް ޚާއްސަކޮށްގެން ވެސް ޤުރުއާން މުބާރާތެއް އޮންނާނެ އެވެ. މިއީ މަހިބަދޫގެ ރައްޔިތުންނަށް ޚާއްސަ މުބާރާތެކެވެ. އަދި އުމުރުން ހަ އަހަރުން ދަށުގެ ކުދީންނަށް ޚާއްސަ މުބާރާތެއް ވެސް ބާއްވަން ވަނީ ނިންމާފަ އެވެ.

ތަޢުފީޤު ވިދާޅުވި ގޮތުގައި މި މުބާރާތުގައި ބަލާނީ އެންމެ ރަނގަޅަށް އަކުރުކިޔޭ ކުދީންނާއި ކަނޑައެޅިފައިވާ ވަގުތުގައި އެންމެ ގިނަ ކަލިމަ ކިޔާ ދަރިވަރުންނެވެ.

ތިން މުބާރާތަށްވެސް އިނާމް ހުށައަޅާފައިވާކަން ތަޢުފީޤު ފާހަގަ ކުރެއްވި އެވެ.

ޤުރުއާނާއި ގުޅޭ ތަފާތު ވޯކްޝޮޕްތަކާއި ބަންގި ވޯކްޝޮޕް

"މަންފާ ޤުރުއާން ކޭމްޕް" ގައި ހިމެނިގެން ޤުރުއާނާއި ގުޅޭ ވޯކްޝޮޕްތައްވެސް ކުރިއަށް ގެންދަން ވަނީ ނިންމާފަ އެވެ.

އެގޮތުން ޤުރުއާން ޓީޗަރުންނަށް ޚާއްސަ ވޯކްޝޮޕެއް އޮންނާނެ އެވެ. އަދި އާންމުންނަށް ބައިވެރިވެވޭނެ ގޮތަށްވެސް ޤުރުއާނާ ގުޅޭ ޚާއްސަ ވޯކްޝޮޕެއް ކުރިއަށް ގެންދަން ވަނީ ނިންމާފަ އެވެ.

"އަޅުގަނޑުމެން ކޮންމެ މީހަކީވެސް މުސްލިމަކަށްވާތީ ތަޖުވީދު މަގަށް ޤުރުއާން ކިޔަވަން އެނގެން ޖެހޭ. އެހެންވީމަ މި ވޯކްޝޮޕްގެ ފައިދާ ހުރިހާ ބޭފުޅުންނަށް ކުރިއަށް ގެންދާނެ,"

ޤުރުއާން މުބާރާތްތަކުގައި ބައިވެރިވުމުގެ ފުރުސަތު މިހާރު ވަނީ ހުޅުވާލާފައި

މި ވޯކްޝޮޕްތަކުގައި ތަޖުވީދުގެ ހަމަތަކާއި ޤުރުއާން ކިޔެވުމުގައި ވިސްނަން ޖެހޭ ކަންކަމާއި ޤުރުއާންގެ ޢިލްމާ ގުޅޭ މުހިންމު އެތައް މައުލޫމާތުތަކެއް ހިއްސާ ކުރެވޭނެ އެވެ. އަދި ތަފާތު އެކި ގިރާއަތްތަކަށް ކިޔަވާނެ ގޮތާއި އެކަމާއި ގުޅޭ މައުލޫމާތުވެސް ހިއްސާކުރާނެ އެވެ.

މީގެ އިތުރުން ޒުވާން ޚަތީބުންްނާއި އިމާމުންނަށް ޚާއްސަކޮށްގެން ބަންގި ވޯކްޝޮޕެއް ވެސް ކުރިއަށް ގެންދާނެ އެވެ.

އަދި ޒުވާން ޚަތީބުންނާއި އިމާމުންނަށް ޚާއްސަ ކުލާސްތަކެއް ވެސް ކުރިއަށް ގެންދަން ވަނީ ނިންމާފަ އެވެ.

އާންމުންނަށް ލެކްޗަރތަކެއް، ކުޑަކުދީންނަށް ޚާއްސަ ހަވީރެއް

މަހިބަދޫގައި އޮންނަ "މަންފާ ޤުރުއާން ކޭމްޕް" ގައި އާންމު ރައްޔިތުންނަށް ޚާއްސަކޮށްގެން ލެކްޗަރުތަކެއް ކުރިއަށް ގެންދަން ވަނީ ނިންމާފަ އެވެ.

"މިއީ ހުރިހާ ރައްޔިތުންނަށް ޚާއްސަ ލެކްޗަރުތަކެއް. ހަތަރު, ފަސް ލެކްޗަރެއް ކުރިއަށް ގެންދަން ވަނީ ނިންމާފައި. މި ލެކްޗަރުތަކުގައި ވެސް ޤުރުއާނާއި ގުޅޭ ތަފާތު މައުލޫމާތުތައް ހިއްސާކުުރުން އޮންނާނެ. ވަރަށް ޢިލްމީ ލެކްޗަރ ތަކަކަށްވާނީ," ތައުފީޤު ވިދާޅުވި އެވެ.

މީގެ އިތުރުން މި ކޭމްޕްގައި ކުޑަކުދީންގެ ހަވީރެއް ވެސް ކުރިއަށް ގެންދަން ވަނީ ނިންމާފަ އެވެ. ކުޑަކުދީންގެ ހަވީރުގައި ކުޅިވަރުތަކާއި އެކި ހަރަކާތްތައް އޮންނާނީވެސް ޤުރުއާނާ ގުޅޭ އެކި ކަންކަމާއި ގުޅުވައިގެން ކަމަށް ވެސް ތައުފީޤު ވިދާޅުވި އެވެ.

އަދި މި ހަވީރުގައި ޤާރީންނާއި ޝެއިޚުންނާއި ސުވާލުކުރުމުގެ ފުރުސަތުވެސް ލިބޭނެ އެވެ.

ހުރިހާ ބައިވެރީންގެ މެދުގައި ގުރުއަތެއް، އިނާމަކަށް ޢުމްރާ ދަތުރެއް

މަންފާ އިން ވަނީ "މަންފާ ޤުރުއާން ކޭމްޕް" ގައި ބައިވެރިވުމުގެ ފުރުސަތު އދ އަތޮޅުގެ ހުރިހާ ރައްޔިތުންނަށް އޮތްކަން ފާހަގަކޮށް ހަރަކާތްތަކުގައި ބައިވެރިވުމަށް ދައުވަތު ދީފަ އެވެ.

އެ ޖަމިއްޔާއިން ބުނީ "މަންފާ ޤުރުއާން ކޭމްޕް" ގެ ހަރަކާތްތަކުގައި ބައިވެރިވާ އެންމެންގެ މެދުގައި ހާއްސަ ގުރުއަތުލުމެއް ކުރިއަށް ގެންދަން ނިންމާފައިވާ ކަމަށެވެ. އަދި ގުރުއަތުން ހޮވޭ ފަރާތަކަށް ޢުމްރާ ދަތުރެއް ދިނުމަށް ނިންމާފައިވާ ކަމަށެވެ.

މިއީ ރާއްޖޭގައި ޤުރުއާނަށް ޚާއްސަކޮށް މިފަދަ ހަރަކާތެއް މިހާ ފުޅާކޮށް ބާއްވާ ފުރަތަމަ ފަހަރެވެ.

"މަންފާ" އިން ބާއްވާ ފުރަތަމަ ޤުރުއާން ކޭމްޕް އދ. މަހިބަދޫގައި ބާއްވާއިރު އެ ޖަމިއްޔާގެ "ނަމާދު ވޯކްޝޮޕް" މި އަހަރު ވެސް މާލޭގައި ބޭއްވުމަށް ވަނީ ނިންމާފަ އެވެ. ނަމާދު ވޯކްޝޮޕް އޮންނާނީ ސެޕްޓެންބަރު 14,15 އަދި 16 މި ތިން ދުވަހު އެވެ. މި ފަހަރުވެސް ވޯކްޝޮޕް ކުރިއަށް ގެންގޮސް ދެއްވާނީ ޑރ. އިމްރާން މުޙައްމަދު އަލީ އެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

މަހިބަދޫ ނަރުދަމާ ނިޒާމު އަޕްގްރޭޑްކުރަން ސްޓެލްކޯއާ ހަވާލުކޮށްފި
22 Oct 2026 ހަބަރު

މަހިބަދޫ ނަރުދަމާ ނިޒާމު އަޕްގްރޭޑްކުރަން ސްޓެލްކޯއާ ހަވާލުކޮށްފި

އދ. މަހިބަދޫގެ ނަރުދަމާ ނިޒާމު މަރާމާތުކޮށް ފެންވަރު ރަނގަޅުކުރުމުގެ މަޝްރޫޢު 21.5 މިލިއަން ރުފިޔާއަށް ސްޓެލްކޯއާ ހަވާލުކޮށް، 180 ދުވަހުގެ ތެރޭގައި ނިންމަންޖެހެއެވެ.