މަންފާގެ ނަމާދު އެޕް "ބަންގި" - މުހިންމު ފީޗާސްތަކާއެކު، މިހާރު ޑައުންލޯޑްކޮށްލެވޭނެ
ލިޔުންތެރިޔާ
އަހުމަދު ހަމީދު އާދަމް
ދިވެހީންގެ ދީނީ ހޭލުންތެރިކަމަށް ފުޅާ ދާއިރާއެއްގައި މަސައްކަތް ކުރާ "މަންފާ" އިން ނަމާދު އެޕްލިކޭޝަނެއް ތައާރަފުކޮށްފި އެވެ.
މި އެޕްލިކޭޝަން ތައާރަފުކޮށްފައިވަނީ "ބަންގި" ނަމުގަ އެވެ. މި އެޕްގައި ގިނަ ފީޗާސްތަކެއް ހިމަނާފައިވެ އެވެ.
އިނގިރޭސި ބަހުންނާއި ދިވެހި ބަހުން ވެސް މައުލޫމާތު ހިމެނޭ "ބަންގި" އެޕްލިކޭޝަންގައި ނަމާދުގައި ކިޔާ ޒިކުރުތަކާއި ދުއާތަކާއި އެ ދުއާތަކާއި ޒިކުރުތަކުގެ މާނަ ދެ ބަހުން ހިމަނާފައިވެ އެވެ.
އަދި ކޮންމެ ގައުމެއްގައި ހުރެގެން ވެސް އެ ގައުމެއްގެ ނަމާދު ވަގުތު ބަލާލެވޭނެ އެވެ. އަދި އެ ތަނެއްގެ ގިބުލަ ދައްކައިދޭނެ އެވެ.
މީގެ އިތުރުން ހޯމް ސްކްރީނު ނަމާދު ވަގުތުތަކާއި ކުރިއަށް އޮތް ނަމާދަށް އޮތީ ބާކީ ކިހާ ވަގުތެއްކަން އަންގައިދޭނެ އެވެ.
"ބަންގި" އެޕްލިކޭޝަންގައި ހިޖުރީ ތާރީހު އިރުއޮއްސުމާއެކު ބަދަލުވާނެ އެވެ. މިއީ "އައްްތިބްޔާން" އިން ޑިވެލޮޕްކުރި އެޕެކެވެ.
މަންފާގެ ބަންގި އެޕް ލޯންޗުކުރުން އޮތީ ރޭ ޣިޔާސުއްދީން ސުކޫލު ހޯލްގައި އޮތް މަންފާ އެކަޑަމީ ރަސްމީކޮށް އިފްތިތާހު ކުރުމުގެ ހަފްލާގަ އެވެ.
ކުޅިވަރުގެ ވަރަށް ގިނަ ޝަހުސިއްޔަތުންނާއި ގިނަ އަދަދެއްގެ ދީނީ އިލްމުވެރީން ބައިވެރިވި މި ހަފްލާގައި މަންފާ އެކަޑަމީ ރަސްމީކޮށް އިފްތިތާހުކޮށް ދެއްވީ ދިވެހި ފުޓްބޯޅައަށް 40 އަހަރަށް ވުރެ ގިނަ މުއްދަތަކަށް ޚިދުމަތް ކުރައްވާފައިވާ ކޯޗް, އަލީ ސުޒައިން އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
