މަޖިލީހުގެ މެންބަރުންގެ ވަކި ކޮލިފިކޭޝަނެއް އޮންނަންޖެހޭ: އަނާރާ
ލިޔުންތެރިޔާ
ޚަދީޖާ އަރުފާ
ދިވެހިރާއްޖެއަކީ ތަޢުލީމަށް ލޯބިކުރާ ބަޔަކު އުޅޭ ތަނަކަށްވާއިރު، ރާއްޖޭގެ ރައްޔިތުންގެ މަޖިލީހުގައި ތިބޭ މެމްބަރުންގެ ވަކި ކޮލިފިކޭޝަނެއް އޮންނަންޖެހޭ ކަމަށް ހުރާ ދާއިރާގެ މަޖިލިސް މެންބަރު ޑރ. އަނާރާ ނަޢީމް ވިދާޅުވެއްޖެއެވެ.
ރައްޔިތުންގެ މަޖިލީހުގެ މެންބަރަކަށް ވުމުގެ ޝަރުތު ތަކުގެ ތެރޭގައި، އެކަމަށް ކުރިމަތިލާ މީހުންގެ ޢިލްމީ ޤާބިލްކަން މިނެ ކިރުމަށް ޚާއްސަކޮށް އެއްވެސް ޝަރުތެއް ހިމަނާފައެއް ނޯވެއެވެ. މިހާރު އޮތް ގޮތުން އެއްވެސް ވަރަކަށް ތަޢުލީމް ހާސިލް ނުކޮށް ހުރި މީހަކަށްވެސް މެންބަރަކަށް ވެވޭނެއެވެ.
އެކަމާއި ގުޅިގެން ގިނަ ރައްޔިތުންގެ ކަންބޮޑުވުން އޮތް އިރު، ރައްޔިތުންގެ މަޖިލީހުގެ މިއަދުގެ ޖަލްސާގައި، މަޖިލީހުގެ މެންބަރުންގެ އަދަދު މަދުކުރުމާ ގުޅޭގޮތުން ބާރަށު ދާއިރާގެ މެންބަރު އިބްރާހިމް ޝުޖާއު ހުށަހެޅުއްވި ގަރާރަށް ބަހުސްކުރެއްވަމުން އަނާރާ ވަނީ މެންބަރުންގެ އަދަދު މަދު ކުރާ ވާހަކަ ދައްކާއިރު މެންބަރުންގެ ތައުލީމީ ފެންވަރަށް ބެލުމުގެ މުހިންމު ކަމަށްވެސް އަލިއަޅުވާލަން ޖެހޭކަން ފާހަގަކުރައްވާފައެވެ.
މަޖިލީހުގެ މެންބަރުންގެ ވަކި ކޮލިފިކޭޝަނެއް އޮތުމުގެ މުހިންމުކަން. ދިވެހިރާއްޖޭގެ ބޮޑު ނިސްބަތެއް މިއީ ވަރަށް ތަޢުލީމީ ބައެއް. އެހެންވީމާ އަޅުގަނޑު ގަބޫލުކުރާ ގޮތުގައި، މަޖިޅިހަށް މެންބަރުން ހޮވުމުގައި ރައްޔިތުންވެސް އެބަ ބަލަންޖެހޭ ރައްޔިތުންގެ ހައްގުގައު ވަކާލާތު ކުރެވޭނެ މެންބަރުން ހޮވުމަށް
ހުރާ ދާއިރާގެ މަޖިލިސް މެންބަރު ޑރ. އަނާރާ ނަޢީމް
އަނާރާ ވިދާޅުވީ 20 ވަނަ މަޖިލީހުގެ މެޖޯރިޓީ އަކީ ރަނގަޅަށް ވަކާލާތު ކުރަން އެނގޭ މެންބަރުން ކަމަށެވެ. އެހެން ނަމަވެސް، ކުރިއަށް އޮތް ތަނުގައުވެސް، ތަޢުލީމީ، އަދި ވަކާލާތު ކުރުމުގެ ހުނަރު ހުރި ފަރާތްތަކަށް ފުރުސަތު ފަހިކޮށްދިނުމަށް މަޖިލީހުގެ މެންބަރުންގެ ވަކި ތައުލީމީ ފެންވަރެއް ހުންނަން ޝަރުތު ކުރަންޖެހޭ ކަމަށް އޭނާ ވިދާޅުވުއެވެ.
ތައުލީމީ ގޮތުން ވަކި ޝަރުތު ތަކެއް ހަމަވާންޖެހޭތޯ. މިސާލަކަށް، ނިޒާމީ ތަޢުލީމް އެންމެ ކުޑަމިނުން. ނިޒާމީ ތައުލީމް އެއީ ގްރޭޑް 10 އާއި ހަމައަށް ކިޔެވުން. ނިޒާމީ ތަޢުލީމް ފުރިހަމަވެފައި ހުންނަންޖެހޭތޯ، މިކަން ކަމަކީ ބަހުސް ކުރުން މުހިންމު ކަންކަން.
ހުރާ ދާއިރާގެ މަޖިލިސް މެންބަރު ޑރ. އަނާރާ ނަޢީމް
އަނާރާ މިހެން ވިދާޅުވެފައިވާއިރު، މަޖިލިސް މެންބަރު ކަމަށް ކުރިމަތިލާ މީހުންގެ ތަޢުލީމީ ފެންވަރު ބަލަންޖެހޭ ކަމަށް އާއްމުންގެ ތެރެއިން ގިނަ ބަޔަކު އަބަދުވެސް ވަކާލާތު ކުރެއެވެ.
ަ
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
