ބައްސާމް އަނެއްކާ ވެސް ޖަލަށް ބަދަލުކޮށްފި
ކޮރަޕްޝަންގެ މައްސަލަތަކެއް ސާބިތުވެ ދިގު މުއްދަތުގެ ޖަލު ހުކުމެއް އޮތް, އެފްއޭއެމްގެ ކުރީގެ ރައީސް ބައްސާމް އަދީލް ޖަލީލް ގޭ ބަންދަށް ބަދަލުކުރިތާ 24 ގަޑިއިރު ނުވަނީ އަނެއްކާވެސް ޖަލަށް ބަދަލު ކޮށްފިއެވެ.
ކަރެކްޝަންސްގެ މީޑިއާ އޮފިޝަލް އިއްޔެ ވޮއިސްއަށް ވިދާޅުވީ ބައްސާމް ގެ ބަންދަށް ބަދަލުކޮށްފައި ވަނީ އިއްޔެ ކަމަށެވެ. އޭނާ ގެ ބަންދަށް ބަދަލުކުރީ ސިއްހީ ހާލަތު ހުރި ގޮތުންނެވެ. ގެއަށް ބަދަލުކުރީ ވަގުތީ ގޮތުންނެވެ.
އެކަމާ ގުޅިގެން ގިނަ ބައެއްގެ ފާޑުކިޔުންތައް އަމާޒުވެގެންދިޔައެވެ.
ނަމަވެސް މިއަދު ”ވޮއިސް“ އަށް މައުލޫމާތު ދެއްވަމުން ކަރެކްޝަންސްގެ މީޑިއާ އޮފިޝަލް ވިދާޅުވީ، ބައްސާމް ވަގުތީ ޒަރޫރީ ގޮތުން ގޭބަންދަށް ބަދަލުކުރީ އޭނާގެ ސަރޖެރީއަކަށްފަހު ޑރ ގެ މެޑިކަލް ލަފާމަތިން، ކަރެކްޝަނުން އެފަދަ ހާލަތުގަ އަމަލް ކުރަން އޮންނަ ގަވާއިދާ އެއްގޮތަށް ކަމަށެވެ.
އަދި ޖަލުގައި މިވަގުތު ބަހައްޓާއިގެން ސާޖަރީ އަށްފަހު ދޭ ފަރުވާ ގެންދެވޭނެ އިންތިޒާމް ހަމަޖެހުމުން އޭނާ ޖަލަށް ބަދަލުކުރެވިފައިވާ ކަމަށްވެސް ވިދާޅުވިއެވެ.
ފުޓްބޯލް އެސޯސިއޭޝަން އޮފް މޯލްޑިވްސްއަށް އެކި ފަރާތްތަކުން ދޭ ފައިސާއަށް އެ އެސޯސިއޭޝަންގެ އިސްވެރިން ހިޔާނާތްތެރިވެ، އިތުރު ކުށުގެ އަމަލުތައް ހިންގާކަމަށް ތުހުމަތުކުރެވޭ މައްސަލައިގައި އުފުލި ޖިނާއީ ދައުވާތައް ސާބިތުވެ ބައްސާމްގެ މައްޗަށް 32 އަހަރުގެ ޖަލު ހުކުމެއް ވަނީ އިއްވާފަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
