އެމްޑީޕީގެ އެތެރޭގެ ހަމަނުޖެހުމުގެ އެއް ސަބަބަކަށްވީ އަދާލަތު ޕާރޓީ – ރާއީ
ވޭތުވެދިޔަ ރިޔާސީ އިންތިހާބު އެމްޑީޕީ އަށް ނާކާމިޔާބުވެ، އެމްޑީޕީގެ ސަރުކާރު ބަލިކަށިވެ، އެމްޑީޕީގެ އެތެރޭގެ ހަމަނުޖެހުމުގެ މައިގަނޑު އެއް ސަބަބަކީ އަދާލަތު ޕާޓީކަމަށް ވިދާޅުވެ، އަދާލަތު ޕާޓީއަށް ރައްޔިތުންގެ މަޖިލީހުގެ މަކުނުދޫ ދާއިރާގެ މެންބަރު މުޙައްމަދު ރާއީ ފާޑުވިދާޅުވެއްޖެއެވެ.
ރާއީގެ ހޫނު ރައްދެއް އަދާލަތު ޕާޓީއަށް އަމާޒުކުރައްވާފައިވަނީ 2024 ވަނަ އަހަރުގެ ރައްޔިތުންގެ މަޖިލިސް އިންތިޚާބުގައި އަދާލަތު ޕާޓީން ވާދަކުރާނެ ދާއިރާތައް ކަނޑައެޅިއިރު ރާއީ ތަމްސީލުކުރައްވާ މަކުނުދޫ ދާއިރާއަށް އެ ޕާޓީން ވާދަކުރަން ނިންމާފައިވަނިކޮށެވެ. އަދި އެ ޕާޓީގެ ފަރާތުން މަކުނުދޫ ދާއިރާއަށް ވާދަކުރައްވާނީ އެ ޕާޓީގެ ރައީސް އަދި ކުރީގެ ހޯމް މިނިސްޓަރު އިމްރާން އަބްދުﷲ ކަމަށް އަޑުފެތުރިފައިވަނިކޮށެވެ.
މެމްބަރ ރާއީގެ ހޫނު ހަމަލާއެއް އަދަލަތު ޕާރޓީއަށް އަމާޒުކޮށްފައި މިވަނީ އިއްޔެ އޭނާ އެކްސް މެދުވެރި ކުރައްވާ ކުރެއްވި އެކްސް ޕޯސްޓެއްގައެވެ.
އޭނާގެ ޕޯސްޓުގައި އަދާލަތަކީ ކުޑަ ބައިހަމަނުވާ ޕާޓީއެއްކަމަށް ސިފަ ކުރެއްވުމާއެކު ވިދާޅުވީ ފާއިތުވި އެމްޑީޕީ ސަރުކާރުގައި އެ ޕާޓީއާއި އެކަށީގެންނުވާ މިންވަރުގެ ބޮޑު ހިއްސާއެއް އަދާލަތުން ނަގާފައި އޮތް ކަމަށާއި، އަދި އެވެރިކަން ބަލިކަށިވުމުގައި އަދާލަތު ޕާޓީގެ ދައުރުވެސް ވަރަށް ބޮޑުކަމަށެވެ.
" ވޭތުވެދިޔަ އެމްޑީޕީ ސަރުކާރުގައި އެއްމެ ބޮޑު ހިއްސާއެއް ނަގާ މުޅި ސަރުކާރު ބަލިކަށިވުމުގެ އެއް ސަބަބުކަމުގައި ވީ ކޯލިޝަންގައި ހިމެނުނު ކުޑަ ބައިހަމަނުވާ ޕާޓީއެކެ، އަދި ހަމަ މުޅި އެމްޑީޕީ ގެ އެތެރޭގައި ހަމަނުޖެހުމުގެ އަސްލުކަމުގައި މިދެންނެވި ޕާޓީވިއެވެ."
އަދާލަތު ޕާރޓީއަށް އިޝާރާތް ކުރައްވާ ރައީގެ ޕޯސޓުގައި ލިޔުއްވާފައިވެއެވެ.
ރާއީގެ އެކްސް ޕޯސްޓުގައި އިތުރަށް ވިދާޅުވެފައިވަނީ އަދާލަތު ޕާޓީ ބަލިކުރަން އެހެން ބަޔަކާ ގުޅިގެން މަސައްކަތްކުރަންޖެހޭނަމަ، ދާއިރާ އަދާލަތު ޕާޓީގެ ކިބައިން މިންޖުކުރުމަށް އެފަދައިން މަސައްކަތްކުރުމަކީ އެމްޑީޕީގެ އާންމު މެންބަރުންނާއި އޭނާވެސް ފަސްޖެހި ވަޑައިގަންނަވާނެ ކަމެއް ނޫން ކަމަށް ވިދާޅުވެ ރާއީ ފާހަގަކުރެއްވި ގޮތުގައި މުހިއްމީ ދާއިރާގެ މުސްތަޤުބަލު ކަމަށެވެ.
" އެބައި މީހުން ބަލިކުރުމަށްޓަކައި ކޮންމެ ޕާޓީއަކާއި އެކު އެއްކޮން މަސައްކަތް ކުރުމަކި ދާޢިރާ ސަލާމަތްކުރަން އޮތްމަގު ކަމުގައިވާނަމަ އެކަން ކުރަން އެމްޑީޕީ ގެ މެމްބަރުންވެސް އަދި ހަމަ އަޅުގަނޑުވެސް ފަސްނުޖޭހޭނެއެވެ، ވަކި މީހަކަށްވުރެ މުހިއްމީ ދާޢިރާގެ މުސްތަގުބަލެވެ. " ރާއީގެ ޕޯސްޓް ނިންމާލަންވަމުން ވިދާޅުވެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
