ހިޔާ ޓަވަރު 5 ގެ މައި ފާހާނާ ހޮޅި އާ ދިމާ ވައިގޮޅި ސާފްކުރުމުގައި... ފޮޓޯ: ވޮއިސް
ހިޔާ ޓަވަރު 5 ގެ މައި ފާހާނާ ހޮޅި އާ ދިމާ ވައިގޮޅި ސާފްކުރުމުގައި... ފޮޓޯ: ވޮއިސް
ހަބަރު 31 Jan 2026 | 07:52

ހިޔާ އަލިފާނުގެ ހާދިސާގައި ގެއްލުން ލިބުނު މައި ފާހާނާ ހޮޅި މަރާމާތުކުރަން ފަށައިފި

އިއްޔެ އިރުއޮއްސުނުފަހުން ހިޔާ ޓަވަރު 5 ގެ ވައިގޮޅިއެއްގައި ހިނގި އަލިފާނުގެ ހާދިސާގައި ގެއްލުން ލިބުނު މައި ފާހާނާ ހޮޅިލައިން މަރާމާތުކުރުމުގެ މަސައްކަތް ފަށާފައިވާކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީން ބުނެފިއެވެ.

ހިޔާގެ އެ ޓަވަރުގައި ހިނގި އަލިފާނުގެ މި ހާދިސާގައި ބައެއް އެޕާޓްމަންޓްތަކަށް ވަނީ ބޮޑެތި ގެއްލުންތައް ލިބިފައެވެ. މިކަމާ ގުޅޭގޮތުން ޑިޒާސްޓާއިން ބުނީ، އި ފާހަނަ ހޮޅިއަށް ގެއްލުން ލިބިފައިވާތީ، ބައެއް އެޕާޓްމަންޓްތަކުގެ ފާހާނާ ބޭނުން ނުކުރެވޭ ކަމަށް އިންސިޑެންޓް ކޮމާންޑަރުގެ ފަރާތުން މައުލޫމާތު ލިބިފައިވާކަމަށެވެ. ލިބުނު ގެއްލުންތައް ދެނެގަތުމާއި މަރާމާތު ކުރުމުގެ މަސައްކަތް އެމް.އެން.ޑީ.އެފް، ދިވެހި ފުލުހުން، އެޗް.ޑީ.ސީ އަދި މާލެ ވޯޓަރ އެންޑް ސުވެރޭޖް ކޮންޕެނީ ، ސްޓެލްކޯ ގުޅިގެން ކުރަމުންދާކަމަށް އެންޑީއެމްއޭއިން ބުނެއެވެ.

އިއްޔެ ހިނގި މި އަލިފާނުގެ ހާދިސާ ހިނގަން ދިމާވި ސީދާ ސަބަބެއް އަދި ކަމާބެހޭ އެއްވެސް ފަރާތަކުން ހާމަކޮށްފައެއް ނުވެއެވެ.

ނަމަވެސް މިއީ ބައެއްގެ އިހުމާލުން ހިނގިކަމެއްކަމަށް ގިނަ ބަޔަކު ބުނަމުންދާއިރު، މިކަން ހިނގިކަމަށް ބުރަވެވެނީ، ސިނގިރޭޓް ބުއިމަށްފަހު ވައިގޮޅިތެރެއަށް ފިލްޓަރުބުރި އެއްލާލުން ކަހަލަ ކަމެއްގެ ސަބަބުން ކަމަށެވެ. ވޮއިސްއިން މިހާތަނަށް ބެލި ބެލުމުން އެނގުނު ގޮތުގައި އެންމެ ބޮޑަށް ގެއްލުން ލިބިފައިވަނީ ރޯވި ވައިގޮޅީގައި ހަރުކޮށްފައިވާ އޭސީ އައުޓްޑޯ ޔުނިޓް ތަކަށާއި، ފާހާނާ ހޮޅިލައިންތަކަށެވެ. އެގޮތުން ގިނަ އެޕާޓްމަންޓް ތަކެއްގެ އޭސީ އައުޓްޑޯ ޔުނިޓްތައް ވަނީ ބޭނުން ނުކުރެވޭ ވަރަށް އަލިފާނުގެ އަސަރުކޮށްފައެވެ.

އިއްޔެގެ މި ހާދިސާގައި ޑިޒާސްޓާ މެނޭޖްމަންޓްގެ އެހީތެރިކަމަށް އެއްވެސް އާއިލާއެއް އެދުނުކަން ނުވަތަ ނޫންކަން އަދި މިހާތަނަށް އެފަރާތަކުން ވަކި އެއްޗެއް ބުނެފައެއް ނުވެއެވެ.

ހިޔާގައި އިއްޔެ ހިނގި މި ހާދިސާއާ ގުޅިގެން އެންމެ ފުރަތަމަ މުޅި ޓަވަރުން މީހުން ހުސްކުރުމުގެ މަސައްކަތްވެސް ވަނީ ކުރިއަށްގެންގޮސްފައެވެ. ނަމަވެސް ފަހުން އަލިފާންގަނޑު ކޮންޓްރޯލްވިކަން ޔަގީންވުމުން ވަނީ، ޓަވަރަށް މީހުން އައިސް ވަނުމަށް ދޫކޮށްލާފައެވެ.

މީގެ ކުރިންވެސް ހިޔާގައި އަލިފާނުގެ ހާދިސާތައް ހިނގައި ބޮޑެތި ގެއްލުންތައް ލިބިފައި އެބަހުއްޓެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ
22 Nov 2026 ހަބަރު

އުމްރާއަށް ގެންދާނެ ކަމަށް ބުނެ އަސްކޮއެ ގުރޫޕުން 109 މީހަކަށް ލަނޑުދިން މައްސަލަ: ދައުވާކޮށްދޭން އެދިއްޖެ

އެ ފައިސާގެ އަދަދު 2،660،300ރ (ދެމިލިއަން ހަލައްކަ ފަސްދޮޅަސް ހާސް ތިންސަތޭކަ ރުފިޔާ) އަށް އަރަ އެވެ.

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި
22 Nov 2026 ހަބަރު

ކަސްޓަމްސްގެ އޮޕަރޭޝަންތަކުގައި ސަވައިލަންސް ޑްރޯން އާއި ބޮޑީވޯން ކެމެރާ ބޭނުންކުރަން ފަށައިފި

މި އޮޕަރޭޝަންތަކުގައި ބޭނުންކުރުމަށް ހަމަޖެހިފައިވާ ބޮޑީވޯން ކެމެރާއަކީ އެމެރިކާއިން ހަދިޔާކޮށްފައިވާ ވަސީލަތެކެވެ.

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި
22 Nov 2026 ހަބަރު

އެފްޑީސީއަށް ހުށަހެޅުނު މައްސަލަތަކުގެ 87 އިންސައްތަ ހައްލުކޮށްފި

ފަހި ދިރިއުޅުން ކޯޕަރޭޝަން (އެފްޑީސީ) އިން ހުޅުމާލޭގައި ތަރައްޤީކޮށްފައިވާ "އަމާން އުދަރެސް" އަދި "އަމާން ދޯދި" ޓަވަރުތަކުގައި ދިރިއުޅޭ ރައްޔިތުން ހުށަހެޅި ޝަކުވާތަކާއި މައްސަލަތަކުގެ 87 އިންސައްތަ ހައްލުކޮށްދީފިއެވެ.

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި
22 Nov 2026 ހަބަރު

ޝާހިދު ބަންދުކުރަން ކުރި އަމުރަށް ހައިކޯޓުން ތާއީދު ކޮށްފި

18 އަހަރުން ދަށުގެ ކުޑަކުއްޖަކަށް ޖިންސީ ގޯނާކުރިކަމުގެ ތުހުމަތުގައި، ދިވެހިރާއްޖޭގެ ކުރީގެ ފޮރިން މިނިސްޓަރު އަދި އެމްޑީޕީގެ ކުރީގެ ރައީސް އަބްދުﷲ ޝާހިދު ހައްޔަރުކުރުމަށް ކްރިމިނަލް ކޯޓުން ނެރުނު އަމުރަށް ހައިކޯޓުން ތާއީދު ކޮށްފިއެވެ.

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ
22 Nov 2026 ހަބަރު

ރާއްޖެއިން ފުރަތަމަ ފަހަރަށް "ރުފަސް-ޓެއިލްޑް ރޮކް ތުރަޝް" ދޫނި ފެނިއްޖެ

ދިވެހިރާއްޖެއިން މީގެ ކުރިން ދުވަހަކުވެސް ފެނިފައިނުވާ ދޫނީގެ ބާވަތެއް ކަމަށްވާ "ރުފަސް-ޓެއިލްޑް ރޮކް ތުރަޝް" މ. މުލި އިން ފެނިއްޖެއެވެ.

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި
22 Nov 2026 ހަބަރު

އަލިފާން ނިއްވުމާ ގުޅޭ އަސްކަރީ ތަމްރީންތަކެއް މާލެ ސަރަހައްދުގައި ފަށައިފި

ކުއްލި ނުރައްކަލުގެ ހާލަތްތަކުގައި އިދާރާތައް ގުޅިގެން ހަރަކާތްތެރިވުމުގެ ގާބިލުކަން އިތުރުކުރުމުގެ ގޮތުން، އެމްއެންޑީއެފުން މާލެ ސަރަހައްދުގައި ކުރިއަށްގެންދާ އަސްކަރީ ތަމްރީނުތަކުގެ ތެރެއިން އަލިފާން ނިއްވުމުގެ ހާއްސަ ހަރަކާތްތަކެއް މިއަދު ފަށައިފިއެވެ.

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް
22 Nov 2026 ހަބަރު

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން ޒިހާންގެ ބަންދަށް އިތުރު 16 ދުވަސް

ދައުލަތުގެ އިމާރާތްތަކުގައި ހުޅުޖެހުމަށް ހިތްވަރުދިން މައްސަލައިގައި ހައްޔަރުކޮށްފައިވާ ޒިހާން ހަސަންގެ ބަންދަށް އިތުރު 16 ދުވަސް ކޯޓުން ޖަހައި، ޖުމްލަ 45 ދުވަހަށް ބަންދުގެ މުއްދަތު އިތުރުވެއްޖެއެވެ.

ހުޅުމާލެ ފޭސް 2 ސަރަހައްދުގައި މިރޭ ހަވާ އަރުވަނީ
21 Nov 2026 ހަބަރު

ހުޅުމާލެ ފޭސް 2 ސަރަހައްދުގައި މިރޭ ހަވާ އަރުވަނީ

މިކަމާ ގުޅިގެން އެމްއެންޑީއެފުން އެކްސްގައި ކުރި ޕޯސްޓެއްގައި ބުނެފައިވަނީ، ހުޅުމާލެ ފޭސް 2 ސަރަހައްދުގައި މިރޭ ވިޔަފާރީގެ އުސޫލުން ހަވާއެރުވުމުގެ ހަރަކާތެއް ބޭއްވުމަށް ނިންމާފައިވާކަމަށެވެ.