ހެލްތު އިމަރޖެންސީ އޮޕަރޭޝަންސް ސެންޓަރުގެ ފަރާތުން މިއަދު ހަވީރު ކުއްލި ނޫސްވެރިންގެ ބައްދަލުވުމެއް ބާއްވަން ނިންމައިފިއެވެ.

މި ނޫސްވެރިންގެ ބައްދަލުވުން އޮންނާނީ މިއަދު ހަވީރު 4:30ގައެވެ. މި ނޫސްވެރިންގެ ބައްދަލުވުމުގައި ކޮވިޑާއި ދެކޮޅަށް ކުރާ މަސައްކަތް ވަރުގަދަކުރުމުގެ ގޮތުން އަޅާނެ އިތުރު ފިޔަވަޅުތަކެއް ހާމަކުރާނެއެވެ.

"ވޮއިސް" އަށް އެޗްޕީއޭގެ އޮފިޝަލް މައުލޫމާތު ދިންގޮތުގައި ރޭ ބޭއްވުނު ޕޮލިސީ ބައްދަލުވުމުގައިވަނީ ފިޔަވަޅުތައް ހަރުކަށިކުރުމަށް ނިންމާފައެވެ.

އޭގެތެރެއިން މިރެއިންފެށިގެން އެއްގަމުގައި ދުއްވާ އުޅަނދު ރޭގަނޑު 8:3 ގެ ފަހުން ދުއްވުން މަނާކުރުމާއި، ކާފިއުގެ ވަގުތު ރޭގަނޑު 11 އިން 4 އަށް ބަދަލުކުރުން ހިމެނެއެވެ.