ޖަރުމަނުގެ ބަޔާން މިއުނިކާއި އަލަށް ގުޅުނު ސާޑިއޯ މާނޭ އަދި ނުސޭރު މަޒްރޮއީ އެ ޓީމުގެ ޓީމު ފޮޓޯގައި ބިޔަރު ތަށްޓެއް ހިފުމާއި ދެކޮޅު ހަދައިފިއެވެ.
މި ސީޒަނަށް އިނގިރޭސި ވިލާތުގެ ލިވަޕޫލު ދޫކޮށް ބަޔާންއާއި ގުޅުނު ސެނެގާލްއަށް ނިސްބަތްވާ މާނޭ، 30، އަކީ މުސްލިމެކެވެ. އަދި ދީނީ ކަންކަމަށް ފަރުވާތެރިވާ ދަނޑުމަތީގައި އަދި ދަނޑުން ބޭރުގައިވެސް ހިތްތިރި އަހުލާގު ރަނގަޅު ކުޅުންތެރިއެއްގެ ގޮތުގައި ގިނަބަޔަކު ފާހަގަކުރާ ކުޅުންތެރިއެކެވެ. ހޮލެންޑުގެ އަޔަކްސް ދޫކޮށް ބަޔާންއާއި ގުޅުނު މޮރޮކޯއަށް ނިސްބަތްވާ މަޒްއޮރީ،24، އަކީ ވެސް މުސްލިމް ކުޅުންތެރިއެކެވެ.
މި ދެކުޅުންތެރިން ބަޔާންގެ ޓީމު ފޮޓޯގައި އޭނާ ބިޔަރު ތަށި ހިފުމާއި ދެކޮޅު ހެދީ ދީނީ ސަބަބުތަކާއި ހުރެކަމަށް ގަބޫލުކުރެވެއެވެ.
މިއާއި އެކު މި ދެ ކުޅުންތެރިންނަށް ފުޓްބޯޅައަށް ލޯބިކުރާ މުސްލިމް އެތަށް ސަޕޯޓަރުންނެއްގެ ތަރުހީބު ވަނީ ލިބިގެން ގޮސްފައެވެ.
ޖަރުމަނުގައި ބިޔަރަކީ އެންމެ އާންމު އެއް ބުޔުން ކަމަށްވާއިރު އެ ގައުމުގެ އެންމެ ކާމިޔާބު ފުޓްބޯޅަ ޓީމު ބަޔާން މިއުނިކުން އެ ޓީމަށް ލިބޭ ކާމިޔާބީ ތަކުގައި ބިޔަރު ބޭނުން ކުރުމަކީ އާންމު ކަމެކެވެ. އެގޮތުން ކޮންމެ އަހަރަކު ނަގާ ޓީމު ފޮޓޯގައިވެސް ބިޔަރު ތަށި ބޭނުން ކުރުމަކީ އެ ޓީމުގެ އެންމެ ތާރީހީ އެއް ކަމެވެ.
Advertisement
This content is created and paid for by advertisers and does not involve Voice Journalists
