ހުއްދަ ނެތް ކާކުލައެއް އަޅައިގެން އުފައްދާފައިހުރި އައިސްކްރީމް ޕައުޑަރެއް ވިއްކުމާއި އެތެރެ ކުރުން މޯލްޑިވްސް ފުޑް އެންޑް އޮތޯރިޓީން މަނާކޮށްފި އެވެ.

މޯލްޑިވްސް ފުޑް އެންޑް ޑްރަގް އޮތޯރިޓީން މިއަދު ނެރުނު ބަޔާނެއްގައި ބުނީ އިޓަލީ ވިލާތުގެ އުފެއްދުމެއް ކަމަށްވާ "ސްޓެއްލާ" ބްރޭންޑުގެ އައިސްކްރީމް ޕައުޑަރު ރާއްޖެއަށް އެތެރެވެފައިވާ ކަމުގެ މައުލޫމާތު ލިބިފައިވާ ކަމަށެވެ.

މި މައުލޫމާތު ލިބުމާއި ގުޅިގެން މި އުފެއްދުމުގެ ސަބަބުން ކާބޯތަކެތީގެ  ރައްކާތެރިކަމަށް އޮތް ހިރާސްގެ މިންވަރު ދެނެގަތުމުގެ މަސައްކަތް އެއޮތޯރިޓީން ކުރަމުންދާ ކަމަށްވެސް ބުނެފައިވެއެވެ.

Advertisement

އެހެންކަމުން ރައްކާތެރިކަމުގެ ފިޔަވަޅެއްގެ ގޮތުން ސްޓޭއްލާ ބްރޭންޑުގެ ބާވަތުގެ އައިސްކްރީމް ޕައުޑަރ އެތެރެކުރުމަށާއި، ނުވިއްކުމަށާއި ބޭނުންނުކުރުމަށް އެމްއެފްޑީއޭއިން ވަނީ އަންގާފައެވެ.