Advertisement

ދުނިޔޭގެ ފިޒިއޯތެރަޕީ ދުވަސް ފާހަގަކުރުމަށް އެމްއެންޔޫގައި ޚާއްސަ ހަރަކާތެއް ބާއްވަނީ

މާދަމާ ފާހަގަކުރާ ދުނިޔޭގެ ފިޒިއޮތޮރަފީ ދުވަސް ފާހަގަކުރުމަށް އެމްއެންޔޫގައި އެދާއިރާއިން ކިޔަވާ ދަރުވަރުންނަށް ޚާއްސަ ޙަރަކާތެއް ބޭއްވުމަށް ނިންމައިފިއެވެ.

މާދަމާއިން ފެށިގެން ދެދުވަހުގެ މުއްދަތަށް ކުރިއަށްގެންދާ މިހަރަކާތުގެ ފުރަތަމަ ދުވަސް ފާހަގަކުރުމަށް ހަމަޖެހިފައިވަނީ އެމްއެންޔޫ ފެކަލްޓީ އޮފް ހެލްތު ސައިންސްގައެވެ. ދެވަނަ ދުވަހުގެ ޙަރަކާތް ބާއްވަނީ ސޯޝަލް ސެންޓަރުގައެވެ. މިހަރަކާތް ކުރިއަށްގެންދާނީ އާންމުންނަށް ހުޅުވާލައިގެންނެވެ.

މި އަހަރުގެ ފިޒިއޮތެރަޕީ ދުވަސް ޚާއްސަކޮށްފައިވަނީ އޮސްޓިއޮއާތުރައިޓިސް ނުވަތަ މަޑުކަށި ގިރޭ ބައްޔަށެވެ. މި ހަރަކާތުގެ ތެރެއިން މި ބައްޔާ ބެހޭ ގޮތުން އާންމުން ހޭލުންތެރި ކުރުވުމުގެ ހަރަކާތްތަކެއްވެސް ކުރިއަށްގެންދިއުމަށް ވަނީ ހަމަޖެހިފައެވެ.

Advertisement

މި ހަރަކާތްތަކުގައި ހެލްތު ސްކްރީނިންގެ އިތުރުން ބެލެންސް، އެނޭޓޮމީ އަދި ގޭމްސްއަށް ޚާއްސަ ސްޓޯލްތަކެއް ބެހެއްޓުމަށް ވަނީ ހަމަޖެހިފައެވެ. އޭގެ އިތުރުން، ކެއުމާއި، ހޭލުންތެރި ކުރުމުގެ ސްޓޯލްތައް ވެސް ބެހެއްޓުމަށް ހަމަޖެހިފައިވެއެވެ. އަދި، ފިޒިއޯ ސޮލިއުޝަންސްގެ ފަރާތުން ވެސް ސްޓޯލެއް ތައްޔާރު ކުރުމަށް ވަނީ ހަމަޖެހިފައެވެ.

Advertisement

ކޮމެންޓް