ޓްރާންސްޕޯޓު މިނިސްޓްރީގެ ޑެޕިއުޓީ މިނިސްޓަރުގެ މަޤާމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙު މިއަދު ބޭފުޅަކު އައްޔަންކުރައްވައިފިއެވެ.
އެ މަޤާމަށް ރައީސުލްޖުމްހޫރިއްޔާ އައްޔަންކުރައްވާފައިވަނީ ކުރިން ގްރޭޓާ މާލެ އިންޑަސްޓްރިއަލް ޒޯން ލިމިޓެޑްގެ ޗެއާމަނުގެ މަޤާމުގައި ހުންނެވި ސައުދުﷲ އަލީއެވެ. ނަމަވެސް ވަކި ހިސާބަކުން އެ ކުންފުނި އުވައިލުމުން ދެން އޭނާ ހުންނެވީ ރީޖަނަލް އެއާޕޯޓްސްގެ ރީޖަނަލް ޑައިރެކްޓަރުގެ މަގާމުގަ އެވެ. އޭނާ އެ މަގާމުން އިސްތިއުފާ ދެއްވީ މިދިޔަ ބުރާސްފަތި ދުވަހު އެވެ.
ޖީއެމްއައިޒެޑްއެލްގެ ޗެއާމަންގެ މަގާމުގައި ސައުދުﷲ ހުންނެވި ދުވަސްވަރު އެ ކުންފުނީގެ އޭރުގެ މެނޭޖިން ޑިރެކްޓަރު އަދި ޓޫރިޒަމް މިނިސްޓްރީގެ މިހާރުގެ ސްޓޭޓް މިނިސްޓަރު އިބްރާހިމް ރަޝީދު (މާމިގިލީ އިބޫ) ހިންގި ކަމަށް ބުނާ ކޮރަޕްޝަނާއި ބައެއް އެހެން ކަންކަމާ މެދު އުފެދުނު ހިޔާލު ތަފާތުވުންތަކުގެ ސަބަބުން އެބޭފުޅާ ވަނީ އިސްތިއުފާ ދެއްވާފައެވެ.
ޓްރާންސްޕޯޓް މިނިސްޓްރީގައި ސައުދުﷲ އާ އެކު މިހާރު ހަތަރު ޑެޕިއުޓީ މިނިސްޓަރުން ތިއްބަވަ އެވެ. އެއީ ހިދާޔާ ނަސީރާއި ހަމަދު އަބްދުލް ޣަނީ އަދި ޝިމާޒް އަލީ އެވެ. ސްޓޭޓް މިނިސްޓަރުންނަށް ތިއްބެވީ ދެ ބޭފުޅެކެވެ. އެއީ އަހުމަދު ޒުހައިރާއި އަހުމަދު އަފްޒަލް އިބްރާހިމެވެ.
Advertisement
This content is created and paid for by advertisers and does not involve Voice Journalists
