އެއްވެސް ސަރުުކާރެއް ވައްޓާލަން އެއްވެސް އިރެއްގައި މަސައްކަތް ކުރައްވާފައިނުވާނެ ކަމަށް މަޝްހޫރު ވިޔަފާރިވެރިޔާ ޗަމްޕާ މުހައްމަދު މޫސާ (އުއްޗު) ވިދާޅުވެއްޖެެއެެވެ.

ދައުލަތުގެ މީޑިޔާ، ޓީވީއެމްގެ "ރަންއަކުރު" ޕްރޮގުރާމްގައި ވާހަކަ ދައްކަވަމުން ޗަމްޕާ މުހައްމަދު މޫސާ (އުއްޗު) ވިދާޅުވީ ސަރުކާރެއް ވައްޓާލުމަށް މަސައްކަތް ކުރަށްވާފައިނުވާނެ ކަމަށެވެ. އެހެން ނަމަވެސް ކުރީގެ ރައީސް މައުމޫން އަބްދުލްގައްޔޫމް ބަލިކުރައްވާ ވެރިކަމަށް ވަޑައިގަތުމުން ދެ ބޭފުޅަކަށް އިނާމެއް ދެއްވިކަމަށް އުއްޗު ވިދާޅުވިއެވެ.

އުއްޗު ވިދާޅުވީ ދިޓީވީ ހިނގަމުންދަނިކޮށް އޭރުގެ ރައީސް އަލްއުސްތާޒު މައުމޫނު އަބުދުލްގައްޔޫމުގެ ސަރުކާރު ވައްޓާލަން ބަޔަކު އުޅުނު ދުވަސްވަރެއް އައި ކަމަށާއި، އަދި އެމަނިކުފާނުގެ ވެރިކަން ވައްޓާލަން ބަޔަކު އެހީއަށް އެދުނު ކަމަށެވެ. އެހެންނަމަވެސް ސަރުކާރެއް ވައްޓާލަން އެހީނުވާނެ ކަމަށް ވިދާޅުވެ އެކަމާ އިންކާރު ކުރެެއްވި ކަަަމަށް އުއްޗު ވިދާޅުވިއެެވެ.

Advertisement

" އަޅުގަނޑު ބުނިން އެހީއެއް ނުވާނަމޭ ސަރުކާރު ވައްޓާލާކަށް. އެހެންނަމަވެސް ކަލޭމެން ތަށި ހޯދައިގެން އަންނާށޭ އިނާމު ދޭނަމޭ ލިބިއްޖެއްޔާ. ދެން އެބޭފުޅުންނަށް ވެރިކަން ލިބިގެން ދެބޭފުޅަކު ދިޔަ އަޅުގަނޑު އޮފީހަށް. ބުނި މިއައީ އިނާމު ބަލައޭ" އޭނާ ވިދާޅުވިއެވެ.

އުއްޗު ވިދާޅުވީ، ދެބޭފުޅަކަށް 10 މިލިއަން ރުފިޔާ ދެއްވި ކަމަށާއި، އެވަރު މަދުވެގެން ވެސް އެ ދެ ބޭފުޅުން ޝަކުވާ ކުރެއްވި ކަމަށެވެ. އެހެން ނަމަވެސް އިތުރު ފައިސާއެއް ނުދެއްވަން ކަމަށް ވިދާޅުވިއެވެ.

ރާއްޖޭގެ މަޝްހޫރު ވިޔަފާރިވެރިޔާ ޗަމްޕާ މުހައްމަދު މޫސާ، (އުއްޗު)އަކީ ރާއްޖޭގެ އެންމެ ކާމިޔާބު ވިޔަފާރިވެރިންގެ ތެރޭގައި ހިމެނިވަޑައިގަންނަވާ ބޭފުޅެެއްކަން ފާހަގަކޮށްލެވެއެވެ.