އިނގިރޭސިވިލާތުގެ ރާނީ، ރާނީ އެލިޒަބަތު ދެވަނަ، އަވަހާރަވުމާއި އެކު ދިވެހި ރާއްޖޭގެ ރައީސުލްޖުމްހުރިއްޔާ އިބްރާހިމް މުހައްމަދު ޞާލިހް ތައުޒިޔާ ވިދާޅުވެއްޖެއެވެ.

ރައީސް ޞާލިހް ކުރެއްވި ޓުވީޓެއްގައި ވިދާޅުވެފައިވަނީ ރާނީ އެލިޒަބަތު އަވަހާރި ހަބަރު އެމަނިކުފާނަށް ލިބިވަޑައިގަތީ ފުން ހިތާމަޔާއި އެކު ކަމަށެވެ. އަދި އެކަމަނާ އަކީ އިޖުތިމާއި ހިދުމަތާއި، ހިންގުންތެރިކަމާއި، އެކަމަނާގެ އަމިއްލަ ގައުމު އަދިި ދުނިޔޭގެ ގައުމު ތަކުގެ ޖަމާއަށްތަކަށް ގިނަގުނަ މަސައްކަތްތަކެއް ކުރައްވާފައިވާ ފަރާތެއް ކަމަށް ރައީސް ޞާލިހް ވަނީ ވިދާޅުވެފައެވެ.

އަދި މި ހާލަތުގައި ދިވެހި ރައްޔިތުންގެ ފަރާތުން އިނގިރޭސިވިލާތުގެ ރަސްކަމާއި ދެން ހަވާލުވާ ރަސްގެފާނު ޗާލްސް ތިންވަނައަށް އަދި ޝާހީ އާއިލާގެ މެންބަރުން، ކޮމެންވެލްތު އަދި އިނގިރޭސިވިލާތުގެ ރައްޔިތުންނަށް އަރިސްކުރާ ކަމަށް ރައީސް ޞާލިހް ވަނީ ވިދާޅުވެފައެވެ.

ރާނީ އެލިޒަބަތު އަވަހާރަ ވެފައިވަނީ މިއަދު އެކަމަނާގެ ޑޮކްޓަރުން ހެދި އިވެލުއޭޝަނަކަށް ފަހު އެކަމަނާގެ ސިއްހީ ހާލުކޮޅާ މެދު ކަންބޮޑުވާ ކަމަށް ބުނުމުން އެޑްމިޓްކޮށް ފަރުވާދެމުން ދަނިކޮށެވެ. ބީބީސީއިން އާންމުކުރި ގޮތުގައި އެކަމަނާ އަވަހާރަ ވެފައިވަނީ އިނގިރޭސި ވިލާތުގެ ގަޑިން މިއަދު މެންދުރު ފަހުގެ ވަގުތެއްގައި އެވެ.