ރާނީ އެލިޒަބަތު އަވަހާރަ ވުމާއި ގުޅިގެން ތިން ދުވަހަށް ދިވެހި ގައުމީ ދިދަ ބައިދަނޑިއަށް ތިރިކޮށްފިއެވެ.

ރައީސް ޞާލިހް މިގޮތަށް ނިންމަވާފައިވާ ކަން އާންމުކުރައްވާފައިވަނީ ރައީސް އޮފީހުގެ ސްޕޯކްސް ޕާސަން މިއުވާން މުހައްމަދު ކުރެއްވި ޓުވީޓެއްގައެވެ.

މިއުވާން ވިދާޅުވެފައިވަނީ ރާއްޖެއާއި ގާތް ގުޅުމެއް އޮންނަ އިނގިރޭސިވިލާތުގެ ރާނީ، ރާނީ އެލިޒަބަތު ދެވަނަ އަވަހާރަވުމާއި ގުޅިގެން ހިތާމައިގެ ތިންދުވަސް އިއުލާންކޮށް ގައުމީ ދިދަ ބައިދަނޑިއަށް ތިރިކުރުމަށް ރައީސް ޞާލިހް އަންގަވާފައިވާ ކަމަށެވެ.

އަދި މިއީ ކޮމެންވެލްތުގެ ގައުމުތަކާއި އިނގިރޭސިވިލާތުގެ ރައްޔިތުންނާއި އެކު ރާއްޖެއިން ބާއްވާ ގާތް ގުޅުމުގެ ސަބަބުން އެ ފަރާތްތަކުގެ ހިތާމަައިގައި ދިވެހިން ބައިވެރިވުމުގެ ގޮތުން ރައީސް ނިންމެވި ނިންމެވުމެއް ކަމަށް މިއުވާން ވަނީ ވިދާޅުވެފައެވެ.