ޓީޗަރުންނާއި ޕްރިންސިޕަލުން ހޯދުމަށް ދިމާވެފައިވާ ދަތިކަން ހައްލުކުރުމަށް ފަހު، ދެން އެންމެ އަވަހަށް މުސާރައިގެ ހެޔޮ ބަދަލެއް ގެންނާނީ ސިއްޙީ ދާޢިރާގެ މުވައްޒަފުންނަށް ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙު ވިދާޅުވެއްޖެއެވެ.
އެމަނިކުފާނު މިހެން ވިދާޅުވެަފއިވަނީ "ވިޔަވަތި" ރާއްޖެ ކޮންފަރެންސްގައި ވާހަކަފުޅު ދައްކަވަމުންނެވެ.
އެމަނިކުފާނު ވިދާޅުވި ގޮތުގައި ދެން އެންމެ އަވަހަށް ހައްލުކުރާނީ ސިއްހީ ދާއިރާގެ މުވައްޒަފުންގެ މުސާރަ ކަމަށެވެ. އެހެން ނަމަވެސް މުސާރައާ ބެހޭ އިތުރު ތަފުސީލެއް ރައީސް ނުދެއްވަ އެވެ.
ރަށްތަކުގެ ތައުލީމީ ނިޒާމަށް ގެނައި ބަދަލަށް އަލިއަޅުއްވާލައްވަމުން ރައީސް ވިދާޅުވީ، މި އަހަރުގެ ހައި އެޗީވާސް އެވޯޑު ހާސިލްކުރި ދަރިވަރުންގެ އަދަދުން ފެނިގެން ހިނގައްޖެ ކަމަށެވެ.
އެމަނިކުފާނު ވިދާޅުވި ގޮތުގައި ޖަޒީރާ، އުފާވެރި ދިރިއުޅުމެއް އުޅުމުގެ ނަސީބު ކޮންމެ ރަށެއްގައި ވެސް އުޅޭ ދިވެއްސަކަށް ލިބިގެންވާ ކަމަށާއި އަދި މުޅި އުމުރު، އަވެދިނެތި ކުރާ މަސައްކަތުން ހައްގު އުޖޫރަ ލިބެންޖެހޭ ކަމަށް އެ މަނިކުފާނު ވިދާޅުވި އެވެ.
Advertisement
This content is created and paid for by advertisers and does not involve Voice Journalists
