ހދ. ކުރިނބީ އަދި އެ އަތޮޅު ފިއްލަދޫއަށް ވެސް ލަކުޑިން ހަދާފައިވާ ބުދު ލައްގައިފިއެވެ.
މި ފަހަކަށް އައިސް އުތުރ އަތޮޅުތަކުގެ ރަށްރަށަށް ގައިރު ދީންތަކުގައި އަޅުކަން ކުރާ ބުދު ތަކެއް ލައްގާފައިވާއިރު، އެ އަތޮޅުގެ ކުރިނބީ އަދި ފިއްލަދޫއަށް ވެސް ބުދު ލައްގައިފިއެވެ.
މީގެ ކުރިން ލަކުޑިން ހަދާފައިވާ ބުދުތަކެއް ލައްގާފައިވަނީ ހދ. ހަނިމާދޫ އަދި ހއ.އިހަވަންދޫއަށެވެ.
ފިއްލަދޫ އަށް ބުދު ލައްގާފައިވަނީ އިއްޔެއެވެ. މައުލޫމާތު ލިބޭ ގޮތުގައި އެ ރަށަށް ބުދު ލައްގާފައިވަނީ މީހުން ދިރިއުޅޭ ސަރަހައްދާއި ފަސް ވަރަކަށް ކިލޯމީޓަރު ދުރު ސަރަހަށްދަކަށެވެ. އަދި އެ ބުދު ފެނިގެން އާންމުންގެ ބަޔަކު އެ ރަށު ކައުންސިލަށް ރިޕޯޓު ކޮށްފައިވާކަމަށް މައުލޫމާތު ލިބެއެވެ.
ކުރިނބިއަށްވެސް ވަނީ ލަކުޑިން ހަދާފައިވާ ބުދެއް ލައްގާފައެވެ. މައުލޫމާތު ލިބޭ ގޮތުގައި މިއަދު އެ ރަށަށް ލެއްގި ބުދުގެ ބޮޑުމިނުގައި އެއް ފޫޓު ހުރެއެވެ. މި ބުދު ފެނިފައިވަނީ ރަޑުގެ ކޮން ސަރަހައްދަކުން ކަމެއް ކަށަވަރު ވެފައެއް ނުވެއެވެ.
ރާއްޖޭގެ ރަށްތަކަށް މިހާ ގިނަ އަދަދަކަށް ބުދު ލައްގަމުންދާއިރު، އާންމުންގެ ބައެއް މީހުންވަނީ ސޯޝަލްމީޑިއާގައި ކަންބޮޑުވުން ފާޅުކުރަމުންނެވެ.
Advertisement
This content is created and paid for by advertisers and does not involve Voice Journalists
